2
Haron mui sangge tumi hobor peda jei tomartei, Laodicea sohorot agonde sigunottei ar mor muon no degonde sigunotteio mui hi dangor jagulugot porsiong. 2 Tharar monanit sahoj oi para, hospanaganot egottor oinei, buj-onaganot beg dhonani hamakkai peinei, Babor ar Kristor duo jonor sombonde Itchioro oghur gubono gyenan pebartei mui jagulugot porsiong. 3 Kristor siot beg bujonar ar gyenor bujonar dhonani lugei age.4 Ei hodagani mui hongorte, jene huno jone bhuleie hodaloi tomare no thogan para. 5 Haron mui heyedi no theleio, mui tomar loge aptadi agong. Tumi doge doge solor ar Kristo iot tomar bischiaschan shokto bili sebartei mui baari hujhi.
Kristor Jibonandoi Shadin
6 Senottei, Jisu Kristore Probu bili tumi loiode doge, tar iot tumi ado. 7 Tar siot tumi singor hubinei gorei uttuo ar tomare sigie oiede doge bischiasot shokto oio ar hujhi hoda hoi-hoi pelangbei jeio.
8 Uijkar oio, adikkie je huno jone manjior gyeno hodaloi ar ortho sara hodaloi tomare thogeibak. Sei hodagani manjior dosturo doge, ar songsaror polim sigkier doge, Kristor doge noi. 9 Haron tar iot Itchior onar beg puripunnuogan heyedi thai. 10 Ar tumi tar iot puripunnuo oio. The olode beg sasonanir ar hemodaganir madabuo. 11 Tar iot tumio sundu-sam habpie oio. Hintu sei sundu-sam habanagan manjio adtoi noi hintu heyeganottun pabpani duoi dena darai oie. Ei sundu-sam habanagan Kristo darai gora oie. 12 Baptismaganot tumi tar loge gara jeio, ar tare morattun jiei tulliede Itchiorbuor hemodar darai tomareo Bischiasor darai jiei tulo oie.
13 Tumi tomar oboradtanit ar tomar heyet sundu-sam no happieganot mora ela, hintu the tomar beg oboradtani hema dinei the tar loge tomareo jeda goreie. 14 Amar biruddie legkie elode horjo legagani puji phelei die, jien amar be-pokko. Sien the kroschanot joloi mari dinei amar podtanottun shorei nejeie. 15 Sasonani ar hemodagani jhorei dinei, the tharare hulomela gori degeie, ar ienot the tharar ugure jittie. 16 Senottei, haana-danar sombonde ok bah utchobor som-bonde ok, nuo sananor sombonde ok bah Jireni dinnuor sombonde ok, tomare hono jone bijier no gortok. 17 Sieni olode ebode jinijchanir shaba, hintu ajol jinijchan olode Kristo.
18 Ek dagi manjie niroit hujhi oinei ar sorgo-dud tobona goron. Sedogkie gorinei tomar poriskarigan no po para tomare huno jone no thogadok. Sedogkie manjie no degkie jinij nirbhor gorinei, heyet monandoi brithai gori phodani goron. 19 Sedogkie manjie madabuot dhori no than. Madabuottun heyegan dangor oi, Itchiorbuottun bare hinottei, goda heyegan dhori theinei, joragundoi ar rokkundoi dhori thai.
20 Senottei, songsaror polim sigkie onusare tumi judi Kristor loge mori jo, hittei songsarot theinei tumi nije Niomor tole theba para pang? 21 “No sueis, sagi no seis, ar no dhoris.” 22 Ieni olode manjie ugum ar sigkie doge baneie niom. Senottei, sei jinijchani manjior hamot lagele, nosto oijai. 23 Sei jinijchani nije baneie dhormot degte gyeni lage. Niroit ona ar heyeganore olib gorana, hintu heyegano pabpanir pokke sieni hitchu lab nei.