Pobitro Jibon
Hadebar Niomani
3
Senottei, tomare judi Kristor loge jiei tulo oi, salen, Itchioro denedi Kristoi boji agede siot uguro jinijchani togo. 2 Pittimir jinijchanir ugure noi, uguro jinijchanir sombonde sintie gorsio. 3 Haron tumi morsio, ar tomar jibonani Itchioro iot Kristor loge lugei age. 4 Kristo, je amar jibonan jokkene dega dibogi, sebeden tumio tar loge mohimaganot dega dibagi.5 Senottei, tomar songsarik onggogani morei pelo. Sieni olode: shanda ham, aw-pobitro, lub shamelei no parsie, bojong mon, ar lubbo. Ieni mokti pujuonaloi ekkui. 6 Ei jinijchanittei Itchiorbuor rakkan aw-mannio manjior ugure ejer. 7 Agendi tumi tharar loge elade lokkene ei jinijchaniloi roio. 8 Hintu tumi ikkie ieni begkani phelei die poribo: rak, huttieri, goba-gubi, sorja-sorji, ar tomar muottun bojong hodagani. 9 Puron akkolan tar haman somot phelluo hinottei, gal mada-madi no gorsio. 10 Sristi goriebuor subhibuo doge nuo goraidie gyenanor nuo Manuschuore uri loio. 11 Siot Grikio noi, Judaio noi, sundu-sam happie ar no happie noi, barendi manuschio noi, Scythia jadio noi, banidaji bah shadin manuschio noi, hintu Kristo olode begkunottei ar begkanittei.
12 Senottei, Itchiore bei tullie ijebe tumi olade pobitro ar Itchiore hos peiegun. Sit puro-puri, doye-meye, niroit, nombro, dhorjiogani habor ure para uro. 13 Gai suo-sui, ar hema die-di gorsio, judio ek jonor aro ek jonor biruddie abitti thai, Kristoi tomare hema dede dogkie gori tomareo hema diedi gora poribo. 14 Hintu ieni begkanir ugure hospanagan rageio, sien olode puripunnuoganor bannuo.
15 Itchioro shantigane tomar ontoranit sason gorog, jienot tomareio ek heyet daga oie. Hujhi hoda hoio. 16 Beg gyenanit Kristor hodagan tomar iot alajhala gori thok. Baini gidodi, kirtonedi, ar aptar gidodi ek jone ek jonore shigie-shigi ar uschoni tuli diedi gorsio. Doyegandoi Probure tomar ontorot gei duo. 17 Jien hoda sat bah jien gorta sat, Probu Jisur nange begkani gorsio. Tar nange Bab Itchiorbuore hujhi hoda hoio.
Kristien Ghorbuottei Niomani
18 Mogkun, Probur iot osit mote tomar nijor negkunor odinot tole theio.
19 Negkun, tomar mogkun hos peio. Thararloi horab bebohar no gorsio.
20 Puolok, je huno iet tomar bab-ma hoda dorsio. Haron siendoi Probuie hujhi oi.
21 Babpun, tomar puo-shabagunore rak tulei no duo adikkie sieniloi thara bhito obak.
22 Banidajigun, je huno iet tomar Munischioro girojchuno hoda dorsio. Bana sog suot degat noi, manus hujhi gorie ijebe noi, hintu Itchiorore bhokti gorinei monedi gorsio. 23 Tumi jien goro, manjior ijebe noi hintu Probur ijebe mone-prane goro. 24 Hobor peio jei Probu Kristore sebona goror hinottei, odhiharor poriskarigan Probuttun peba. 25 Hintu je onnio ham gore, the tar hamor puriskar pebo. Siot huno eitzabor nei.