4
Girojchun, tomartuno sorgot ek jon giroj age bili hobor peinei, tomar banidajigunore jien dibar osit ar lak, sien duo.
Nanan Sigkie
2  Uij rageinei hujhi hoda honar somot, eksottie ega mone bor magkuo. 3  Ekkui somoiot amatteio bor magi duo jene, Itchiore tar hodagan ami phogodang gori pari para amare pod huli de. Kristor oghur gubonan hoi pari para bor magi duo, sienottei muio shingolloi bondi oi agong. 4  Mui hobar osit doge janei di parong para bor magi duo. 5  Barendi sigunor mujungot gyeni ijebe sollio. Sujukkan hini lo. 6  Doyegan somot hoda hoio. Nundoi suot gorede dogkie gori hoda suot gorsio jene prottiek jonore osit mote hingori uttor diepore hobor po daw.
Sejor Salam
7  Tykhika tomare mor sombonde begkani hobo. The olode mor agojor bhei, bischias-joggio sebog ar Probur iot song somarsie sagorsie. 8  Ei senottei mui tare tomar idu dipadangor, jene the tomar obostani hobor pai para ar tomar ontorani shantona gori degi para. 9  Tar somare Onesimareio padeilung. Theio ek jon bischias-joggio agojor bhei, ar tomar dolor manus. Idu hi-hi awr, sieni thara tomare hobakki.
10  Eksomare jiel hadie, Aris-tarkaio tomare salam janar. Barnabar bhei, Markaio tomare salam janar. Tomartei mui tar ade tar sombonde upodes di padangor. The ele tare patturu-turu janeio. 11  Justa honde Jisuio tomare salam janar. Igun olakke Itchioro rejjioganottei sundu-sam happier moiddie bana mor eksomare ham gorie. Thara more shantona duon. 12  Epaphrase tomare salam janar. The olode ek jon tomar dolor manus ar Kristor banidaji. The tomartei onsur hadoni gori-gori bor magi de, jene tumi Itchioro ischieganot puripunnuo ar hamakkai puro aw para. 13  Tomartei tar baari dab age bili mui tar sombonde shakki duonggi jei, Laodicea ar Hierapolis sohoranit agonde sigunotteio tar baari dab age. 14  Amar agojor Daktor Lukaloi Dema tomare salam janadon. 15  Laodicea sohorot agonde bheilogkunore salam janeio. Nymphare ar tar ghorot agede mondolibuore salam janeio.
16  Ei sidigan tomar moiddie madanar porendi, Laodicea mondoli-buotio madei duo para seio. Thik sedogkie gori, Laodiceattun duonde sidiganio tumi madeio.
17  Arkipasore hoio, “Probu iot peioschie sebogor haman purei paros para uij rageis.”
18  Mui Paula, mor nijor adedi ei salamigan legongor. Shingolloi bondi oi agongge sien monot tullio. Doyegan tomar ugure thok. Amen.
Colossians 3 4 3 Colossians 2