Begkunottei Gom Ham Gorana
6
Bheilog, ek jone judi dujot dhora pore, salen, aptabolagune nombro mone tumi tare phirei annio. Nijoreio seio adikkie tumio porikkiet poriba. 2 Ek jone aro ek jonor bugi loi diedi gorsio, ar sengori Kristor nioman purei duo. 3 Haron ek jone the hitchu noi, hintu the judi nije ek jon dangor mone gore, salen the nijore-nije thoge. 4 Hintu prottiek jone tar nijor haman porikkie gorog. Sebeden, the nije gai-gai hujhi obo, manjior hamot noi. 5 Haron prottiek jone nijor bugibuo bugibak.6 Je gom sigkie peie the beg gom jinijchani tare sigeiede sibieloi bhag gorog.
7 Thoga no heio, ar Itchiorbuore thatta gori no pare. Haron je jeannie shidie, the siennie phol pebo. 8 Haron je jeannie tar heyeganot shidie, the tar heyeganot poji jaidie phol pebo. Hintu je jeannie Aptabuot shidie, the Aptabuottun siennie ononto jibon pebo. 9 Gom ham gorte ageie no obong. Haron ami judi obohela no oi, somoi mojim gori phol pebong. 10 Senottei, amar sujuk age bili begkunottei gom ham gori, bes gori, bischiasi ghorbuogunottei.
Itchiore Nuo Sristi Gorsie
11 Mor nijor adtoi birat birat orokkoi mui tomare legkuongge sawh.
12 Jedog jone ugure-ugure heyet goman degebartei dhap goron, thara tomare sundu-sam haba bajei dibag, jene Kristor kroschanottei uttiesar lagot no pan. 13 Haron bana sundu-sam happiegune nijeio Niom no palan, hintu thara tomare sundu-sam haba bajei dibar sande, jene tomar heyenit thara baini goron. 14 Hintu amar Probu Jisu Kristor kroschanor bade oinnio hoda sombonde baini gorana mortun durot tok. Sei kroschanot mui songsarottei krosot porsiong, ar songsaran mortei Krosot porsie. 15 Haron Kristo Jisu iot nahi sundu-sam habanagane ham gore bah sundu-sam no habanagane hitchu lab de, hintu nuo sristigan olode ajolan. 16 Jedog jone ei niomanot adon, shanti ar doyegan tharar ugure thebo. Itchioror Israel manuschunor ugureo ieni thebo.
17 Probu Jisur sinnogani mor heyet gori loi berangor hinottei, ikkiettun dhori huno jone more jagulug ar no gortok.
18 Bheilog, tomar aptagunor loge amar Probu Jisu Kristor doyegan thok, Amen.