Kristo iot Shadin
5
Shadinanottei Kristoi amare shadin gorsie senottei tumi shokto gori thiei thago. Banidaji jungolluot aro no baschuo.2 Mui Paulai tomare jodepode gori hongor, tumi judi sundu-sam habo, salen Kristoi tomare hitchu lab dido noi. 3 Aro mui begkunore shakki duongor, je sundu-sam habe, the goda Niomanor Horoj heiebuo obo. 4 Niomor onusare dharmig obar seiegun, tumi Kristortun pharok ola, ar doyeganottun jhuri porila. 5 Haron Aptabuoloi Bischiasor darai dharmigkan ega mone ami asha gori barsei agi. 6 Haron Kristo Jisu iot nahi sundu-sam habanagane ham gore bah sundu-sam no habanagane hitchu lab de. Hintu hospanat darai bischiaschane ham gorer.
7 Tumi gome dumursio daw. Soittiogan adeibartei honna tomare badha gorsie? 8 Tomare dagede sibiettun ei ujuluonagan no eje. 9 Ekkena moli-gurie goda bhattun jorai. 10 Probu iot mui tomare bischias gorong, tomar oinnio mon nei. Hintu je tomare hosto lagai, the je odo sat, tar sastigan suei pebo. 11 Bheilog, mui judi ejosong sundu-sam habananor sombonde prosar goridung, salen mui hittei ejosong uttiesar lagot pangor? Salen daw kroschane azar habaidie sien thum olun. 12 Mortun mone horte jei, je tomare hosto lagai thara nijore-nije habi pheleidak.
13 Bheilog, tomare shadinanot daga oie. Shadinan bana heyet lubbo pokkettei hamot no lageio, hintu hospanaloi ek jonore ek jone sebona gora-gori gorsio. 14 Haron goda Niomani ekkan hodat puripunnuo oie, ienotio oie, “Tui nijore-nije hos paschie dogkie gori tor paralliegunore hos peis.” 15 Hintu tumi judi ek jone oinnio jonore hamoro ar hei pelo, seio, adikkie ek jone oinnio jonore ha-hi goriba.
Aptabuoloi Jibon
16 Salen mui ien hom, “Aptabuo iot ado, sebeden heyet lubb-ogan puron no goriba.” 17 Haron heyegano lubbogan Aptabuor biruddie, ar Aptabuor lubbogan heyegano biruddie. Ieni ekkane ekkano biruddie hinottei, tomartun jien mone hoi sien gori no paro. 18 Hintu tomare judi Aptabuoi nejai, salen tumi Niomanor tole noi.
19 Heyeganor hamani alge dega jai. Sieni olode: Shanda, hanggi, aw-pobitro, lub shamelei no parsie, 20 mokti pujona, jadu, hinsie, mara-mari, bis dega-degi, rage ohongkari, holi gora-gori, pharok oie, bhul sigkie, 21 dei para-pari neie, hun gorana, mattol ona, mod heinei phorti gorana, ar sedogkie hamani, jienir sombo-nde mui tomare honatto hoiong. Mui tomare agendi hoiongge doge, sieni goronde sigune Itchioro rejjioganot odhihar pedak noi.
22 Hintu Aptabuor pholan olode, hospana, hujhi, shanti, soijjio gorana, doye, goman, bischias-joggiogan, 23 nombrotagan, ar nijore-nije domon goranagan. Ienir biruddie huno niom nei. 24 Jigun Kristor manus, thara monan ar lubbogan somot heyegan krosot duon. 25 Ami judi Aptabuo iot thei, Aptabuo iot soli. 26 Barbuo oinei, ek jone oinnio jonore huttieri tuli diedi ar bis dega-degi no obong.