4
Odhiharigan peiebuo ikkie mui holungge sibie, guro lokkene banidajittun huno phartokko nei, judio the begkanir malik. 2 Hintu babe thik gorsie somoibuo song The rakkolibuor ar ghor lobiot-goriebuor tole thai. 3 Thik sedogkie gori, guro lokkene amio songsaror polim sigkienir tole bondi oi elong. 4 Hintu puripunnuo somoibuo lunginei, Itchiore tar Puobuo padei die. Ekkuo miliei tare phudeie, Niomanor tole tar jormo oie. 5 Palok puogun pei para, ar Niomor tole sigunore hini lobartei the Niomor tole jormo loiegi. 6 Tumi puo hinottei, Itchiore tar Puobuor Aptabuo tomar ontorot padei die. Aptabuoi “Abba , Ba,” gori dager. 7 Senottei, tumi banidaji noi ar, hintu puo ola. Ar judi puo ole, salen, Kristor darai odhiharigan peie ola.Galatia Manuschunore
Paular Hospana
8 Hintu jodepode gori, eksomoi tumi Itchior hobor no po. Ar tumi sebona gorsiode sigun eneio Itchior noi. 9 Hintu ikkie tumi Itchior hobor panar porendi, bah Itchiore tomare hobor panar porendi, hingori tumi aro sei pela jeie ar aw-gunor polim sigkienit phirinei aro bondi obar mone hor? 10 Din, mas, ritu ar bojor tumi palor. 11 Mui tomartei adikkie bul gori hadoni holung bili dhorangor.
12 Bheilog, mui tomar dogkie oiong hinottei, tumio mor dogkie obartei mui tomare hujoli gorongor. Tumi more shobai oinnie no goro. 13 Tumi hobor po, mui heyei no parinei, bego akke tomar idu gom hoboran prosar gorsiong. 14 Mor heyet jien porikkie elo sien tumi aw-pela no gorinei, bah phirei no dinei, sei bodoli, tumi more Itchioro sorgo-dudtuo dogkie gori, ar nije Kristo Jisur dogkie gori more gojhi loio. 15 Salen tumi hi asirbad pela? mui shakki duongotte, judi sombob ole, tomar nijor sogkun hueinei ar sigun more diba. 16 Soittio hodagan mui tomare hong hinottei mui tomar sottru olung ni na?
17 Thara tomare shanggadik agudibag, hintu gomortei noi. Thara tomare nigilei dibar sebak jene tumi tharare agudo. 18 Bana mui tomar loge thagke noi hintu gom jinijottei onsur agudona gom. 19 Gurolok, Kristo tomar bidirie jormai song mui aro tomartei hadoni gorsiong. 20 Mor robuo bodoleibartei ikkie mui tomar idu azil obar sang. Haron tomar sombonde mor mon jagulug age.
Hagar Ar Sara
21 Niomanor tole thebar mone hoidie sigun, more ien ho, Niomane hi hoi sunor ni? 22 Haron Abrahamor dibie puo agon gori Sastrot ien lega age. Ekkuo banidaji miliettun ar ekkuo shadin miliettun. 23 Hintu banidaji milie-buottun oiede sibie olode bongso darai, ar shadin miliebuottun oiede sibie olode soittiogano darai. 24 Hubone tulona gorsie. Haron ien olode dien sukti. Sinai Mounnottun jormeiebuo olode banidajibuo, ar sibie olode Hagari. 25 Haron ei Hagari olode Arabia dejot Sinai Mounnuo, ar sien Jerusalem sohorloi milie, ar ikkie the tar manuschundoi banidaji oi age. 26 Hintu uguro Jerusalem sohoran olode shadin, ar the olode amar begkunor ma. 27 Haron Sastrot lega age,
“Oh bhaj miliebuo, tui puo no phudos, tui ped pirie hobor no paschie sibie jogar pari-pari hujhi awh. Haron phelei jeie miliebuor, neg-bola miliebuottun bes puo-shaba obak.”
28 Bheilog, Isaakor dogkie ikkie amio soittiogano puogun. 29 Hintu bongso-goto oiede sibiei Aptar darai oiede sibiere hosto lageiede dogkie gori, ikkieio thik sedogkie awr. 30 Tobuio, Sastroie hi hoi? “Banidaji miliebuore ar tar puobuore nigilei duo. Haron banidaji miliebuor puobuoi, shadin mileiebuor puobuor somare odhiharigan no pebo.” 31 Bheilog, salen, ami banidaji miliebuor puo noi, hintu ami olongge shadin miliebuor puo.