Nahi Niom Palana
3
Oh bhul Galatia hulliegun! Honna tomare topbo goreilo,jei tumi soittiogan bischias no gorida? Tomar sogor samne poriskar gori dega oiede Jisu Kristore krosot die oie. 2 Tomartun bana ien mui hobor pedung sang, Aptabuo hamor niomo darai peio, nahi bischiaso hodagan suninei peio? 3 Tumi edok bhul olade? Aptabuot arambo gorinei, ikkie heyedi puripunnuo awr ni na? 4 Brithai gori onek hosto peio ni na jodepode gori bul ole? 5 Senottei, Je tomare Apta die, ar tomar moiddie oborug ham gorsie, the hamo niomo darai gorsie, nahi bischiaso hodagan sunonar darai gorsie?
6 Ien Abrahamor hodagano dogkie. “Abrahame Itchiorore bischias gorsie, ar tar bischiaschan dharmigkano dogkie gona oie.” 7 Senottei, jigune bischias gorsion, sigun Abrahamor puo bili hobor peio. 8 Itchiore Be-jadtunore dharmig gonibo gori Sastroie honatto deginei, akke dhori Abrahamore gom hoboran janei die oie. Sastroie hoi, “Tor iot beg jadtunore asirbad die obo.” 9 Senottei, bischias gorsionde sigun, bischias gorie Abrahamor somare asirbad peion.
10 Senottei, hamo niomanot jedog jon agon, thara begkun obisabpanor tole porilag. Haron Sastrot lega age, “Niomor boibuot lega doge je begkani eksottie no gore, the obisab heie.” 11 Hintu Itchioro samne niomo darai harore dharmig gona no oidie sien poriskar. Haron, “Dharmigkun bischiaso darai bajibak.” 12 Tobuio, nioman bischiaschanor noi, hintu, “Je sieni gore the sieni darai bajibo.” 13 Kristoi amattei obisab
heinei, the amare niomanor obisab-panottun hini loie. (Haron Sastrot lega age, “Je gajot tangan hai, the obisab hai.”) 14 Jene Kristor darai Abrahamor asirbadtan Be-jadtuno sidu ebartei Aptar soittiogan bischiaso darai amar lo poribo.
Nioman ar Soittiogan
15 Bheilog, mui manjior dogkie gori hongor: ien bana manjior suktigan oleio, judi ien thik ole, huno jone ien ek huredi thoi no paribak, bah bareo no paribak. 16 Itchiore Abrahamore ar tar bongsogunore soittio dede lokkene, the edogkie gori jhagkuo ijebe no hoi, “Tor bongsogunore.” Hintu ek jono dogkie gori hoie, “Tor bongsobuore,” ar sibie olode Kristo. 17 Ar mui ien hodung sang: Nioman seir sho tiris bojor honet, ar Niomane suktiganore ek huredi thoi paribar noi, jien Itchiore honatto Kristo iot thik gorsie, sei protiggiaganore aw-gunor banebar nei. 18 Haron odhiharan judi niomanor darai oi, sien soittiogano no obo ar, hintu Itchiorbuoi Abrahamore sien soittioganor darai die.
19 Salen Niomane hi uddische ham gore? Nioman die oiede bhonggoganottei. Soittiogan die oiede sibier idu tar Bongsobuo eje song, ek jon mil goridier ade sien sorgo-dudtuo darai thik gora oie. 20 Mil goridiebuoi bana ek dagire mil gori no de, hintu
Itchiorbuo olode ek. 21 Salen Ni-oman Itchiorbuor soittiogano biruddie ni na? Hamakkai noi. Haron Nioman judi thedo, jiene jibon di parilun, salen jodepode gori dharmigkan Niomano darai thelun. 22 Hintu Sastrogane beg-kunore pabor tole bondi gori thoie, jene Jisu Kristo iot bischiaso darai bischias-goriegunore soittiogan die oi.
23 Hintu bischiaschan ebar agendi amare Niomano tole bondi gori raga oie. Jei bischiaschan porendi phogodang gora obo sienottei bondi oi elong. 24 Senottei, amare Kristo idu aninei bischiaso darai dharmig obartei, Nioman olode amare sigkie die. 25 Hintu bischiaschan ejanar porendi, ami sigkiediebuor tole nei ar.
Itchioro Puogun
26 Haron Jisu Kristo iot bischiaso darai tumi olade begkun Itchioro puo. 27 Haron tumi jedogkune Kristo iot baptisma loio begkun Kristo iot haboro dogkie gori urei die oie. 28 Kristo Jisu iot begkun ekkui hinottei, huno jon Judai manus noi, Grik manus noi, banidaji noi, shadin manus noi, ar milieio nei morodo nei. 29 Tumi judi Kristor manus awh, salen tumi Abrahamor bongso, ar soittiogano onusare odhiharigan peiegun.