2 Korinthio
1
Mui Paula, Itchioro ischie darai mui ek jon Jisu Kristor apostol. Amar bhei Timothi mor loge age. Korinth sohorot Itchioro mondoli manuschunore ar goda Akaia rejjiot agonde beg sadhu manuschunoreio mui legongor. 2 Amar Bab Itchiore ar Probu Jisu Kristoi tomare doye ar shanti duok.Dug-hostot Shantona Dena
3 Amar Probu Jisu Kristor Bab ar je huno iet shantona dede ar doye gorede Itchiorbuor donniobad ok. 4 Je huno dug-hostot porsiegunore Bab Itchiorottun ami peieidie shantonandoi, shantona di pari para The amar je huno dug-hostot shantona de.
5 Haron Kristor hostogani amar iot bes gori agede dogkie, amar shantonanio Kristo iot bes gori age. 6 Ami judi sab hei, ien tomar shantonattei ar uddharottei. Iene ami hosto peidie sei hostogani tumi suei thebartei boldibo. Ar ami judi shantona pei, ien tomar shantonattei ar uddharottei. 7 Tomartei amar ashagan shokto. Haron ami hobor pei tumi jeannie gori dug-hosto bhag por siennie gori shantonagano bhag peba. 8 Haron Asia dejot amar hosto oiede sien, bheilog tumi hobor no peie gori ago bili ami mone no gori. Amar ugure bugie no jinnie bhar oie hinottei, bajibero asha areiei. 9 Hamakkai moribong bili ami mone gorsei. Ien olode jene ami amar ugure nirbhor no gorinei hintu, mora jiei tulede Itchiorbuore nirbhor gori. 10 The amare sedogkie moronor dojadtun rokkie gorsie ar rokkie goribuo. The amare porendio rokkie goribuo bili ami tare asha gorsei. 11 Tumio amattei bor magi dinei amare bol duo. Sebeden bhaluk jonor bor magana ami borani peiei hinottei, amar bhaluk jone Itchiorore hujhi hoda hobak.
Paular Gom Nitigan
12 Ami edogkie gori bar gori: Songsarot ami hedogkie gori agi amar idie-ittane shakki de. Tomar samne ami hedogkie gori agi sienottun bes iene shakki de. Ekkan uddischuoloi ar sholona no dhorsie gori uijkare ami agidie sien olode Itchiorottun. Ami manjior gyeno doge no thei, hintu ami Itchioro doyegano doge thei. 13 Tumi jien mador ar bujor, sieni bara ami tomare oinnio hoda no legir. Mui mone gorong tumi thumsong bujiba. 14 Sien olode tumi amare ordek gori bujilade dogkie. Tumi amare baini gorode dogkie gori Probu Jisur dinnuot amio sedogkie gori tomare baini goribong.
15 Ar ien bischias gorinei, agendi mui tomar idu ebar seiong, jene tumi di lombor labpan po para. 16 Mui Makidonia dejottun jade tomar idu phiribar, sebeden tumi more Judea dejot dipadeba gori mui asha gorsiong. 17 Senottei, mui ien jugolode, mone hong no hong gori gorsiong ni na? Nahi, mui jugol gorongge sieni, oi, oi ar noi, noi obartei heyet doge gorong? 18 Itchiorbuo hamakkai bischias-joggio hinottei, ami tomare hoidie hodani oi ar noi no oi. 19 Itchioro Puo Jisu Kristor sombonde mui, Sila ar Timothi tomar idu prosar gorsei die sienot oi ar noi no oi. Hintu tar siot onsur oi. 20 Haron Itchioro beg soittiogani tar siot oi ar sieni tar siot Amen hinottei amar darai manjie Itchiorore baini goron. 21 Kristo iot ami shokto gori thebartei Itchiore tomare ar amare shokto gori di die. Itchiore amare tel guli di die. 22 The amar ugure sinnuo di thoie. Amar ontorot The Apta babona di thoie.