1 Korinthio
1
Mui Paula, Itchioro ischie doge Jisu Kristor Apostol obartei Itchiore more dakkie. Amar bhei Sosthena mor loge age. 2 Korinth sohorot Itchioro mondolibuore legir. Tumi olade Jisu Kristo iot pobitro gori thoiede manuschun. Tumi sadhu manus obartei tomare daga oie. Probu Jisu Kristor nangan dagonde sigunor begkuno loge tumio sadhu manus. Tar nangan beg jaganit idot thulon. Jisu Kristo olode tharar, ar amar Probu. 3 Amar Bab Itchiore ar Probu Jisu Kristoi tomare doye ar shanti duok.Donniobad Dena
4 Jisu Kristo iot Itchiore tomare doye gorsie hinottei mui onsur tomartei Itchiorore hujhi hoda hong. 5 Ortat, Itchiore tar iot tomare begkanit, beg hoda battat ar beg gyenanit thagoie gorsie. 6 Sien olode Jisu Kristor sombonde shakkigan, Itchiore tomar siot thik gorsiede doge. 7 Senottei, tomar huno bor ekkanio pora nei bili, amar Probu Jisu Kristo dega dibogi die sieno tumi asha gori barsei ago. 8 Ses song tomareo the shokto goribuo. Amar Probu Jisu Kristo dinnuot tomare hitchu duj dibar no thebo. 9 Itchiorbuo bischias goribar lak. Tar puo Amar Probu Jisu Kristoloi song pora-poriganot The tomare dakkie.
Mondolit Pharok Ona
10 Bheilog, amar Probu Jisu Kristor nange tumi begkune ekkan hoda ho para, tomar moiddie pharok ona no thai para ar tumi uijkare ek oinei ekmon ar ekkui bijier oi para mui tomare uschoni tuli duongor. 11 Bheilog, haron Kloi ghorbuottun hoi ek jone tomar sombonde more janeiondi. Thara more hoiondi die tomar moiddie hoschie herengkal bajeio. 12 Mui ien hongor, tumi jon bagene hode, “Mui Paular dolor manus.” Bah “Mui Apollor dolor manus.” Bah “Mui Kepha dolor manus.” Bah “Mui Kristo dolor manus.”
13 Kristo bhag oie ni na? Tomartei Paulare krosot duon ni na? Tomare Paula nange baptisma gori duon ni na? 14 Krispu ar Gaius bade mui tomar moiddie huno jonore baptisma gori no duong hinottei Itchiorore mui hujhi hoda hongor. 15 Mor nijor nange baptisma gori duong bili manjie no hon para mui baptisma gori no duong. 16 Stephana ghorbuogunoreio mui baptisma gori duong. Oinnio jonore baptisma gori duong bili mor monot nei. 17 Haron baptisma gori dibartei Kristo more di no padai, hintu gom hoboran prosar goribartei the more dipadeie. Kristor kroschan moillio no thai bili gyeno hodaloi hobartei the more di no padai.
Kristo Itchioro Gyenan
ar Hemodagan
18 Haron boij jadonde sigunottei kroschano hoboran olode bhulo hoda. Hintu mukti phertie igunottei sei hoboran olode Itchioro hemodagan. 19 Haron Sastroie hoi,
“Gyeni manuschunor gyenan mui nas gori dim. Ar bujonde manuschunor bujonagan ortho sara gori dim.”
20 Gyenigun hudu? Dhormo niomo mastorun hudu? Ei jugor torgo goriegun hudu? Ei songsaro gyenan Itchiore bhul banei no de ni na? 21 Haronan olode, Itchioro gyene songsaro manuschune tharar gyenandoi Itchior hobor no pan. Bhul hodagandoi prosar gorinei je bischias gore the mukti pai hinottei Itchiore hujhi oi. 22 Judai manuschune sinno magon ar Grik manuschune gyen togan. 23 Hintu manjie krosot duonde sei Kristo hodagan ami prosar gori. Judai manuschunottei the olode ujuot haidie sil ar Grik manuschunottei the olode bhul hoda. 24 Hintu jigunore daga oie Judai manus bah Grik manus, duo dagittei Kristo olode Itchioro hemodagan ar gyenan. 25 Haron Itchioro bhulan olode manjior gyenanottun bes gyeni ar Itchioro bol neiegan olode manjior bolanottun bes boli.
26 Bheilog, monot rageio tomare daga oiede lokke tumi hi ela. Manjie mabonde jogai tumi balukjon gyeni no ela. Balukjon boli no ela ar balukjon utchuo hulo manus no ela. 27 Hintu gyeni manuschunore lajot pheleibartei Itchiore songsaro bhul jinijchani bei loie. Ar boli manuschunore lajot pheleibartei Itchiore songsaro bol neie jinijchani bei loie. 28 Niroit manuschun Itchiore the bei loi. Manjie aw-pela goronde ar dorkar no lakkie jinijchani dorkarot lakkie oi para The sieni bei loi. 29 Tar mujungot huno jone phodani gori no paron para The sieni bei loi. 30 Tar darai tumi Jisu Kristo iot ago. The oie amattei Itchioro gyenan, dharmig-kan, pobitrogan ar muktigan. 31 Senottei, Sastroie hoidie doge oi para hon,