2
“Je baini gore, the Probuiot baini gorog.”Bheilog, mui jokke tomar idu Itchioro sombonde shakki dibartei ejchiong, gom hodaloi ar gyendoi mui no ejong. 2 Haron mui dharona gorsiongge krosot duonde Jisu Kristo bade hitchu tomar moiddie hobor no pedung. 3 Mui tomar loge thagode bolneie elung, doredung ar girgireidung. 4 Mor hodagani ar mui prosar gorsiongge ieni bhuleibar ar gyeni hoda noi. Hintu mor hodaganie Aptabuor hemodagan degeie. 5 Senottei, tomar bischiaschan manjior gyenedi no oinei hintu Itchioro hemodadi oi para.
Aptar Gyen
6 Hintu bujunor manuschuno idu ami gyeni hoda hoi. Tobuio ien ei jugor gyeni hoda ar aw-gunor ei jugor sason-goriegunor hoda noi. 7 Hintu Itchioro gyeno hodagan ami oghur gubone hoi. Sei gyeno hodagan jugkuo arambo no ode amar oborugottei honatto Itchiore ghubei thoie. 8 Ei jugor sason-gorie huno jone ien hobor no pan. Judi thara hobor pedak, oborug Probure thara krosot no dilakkun.
9 Sastrot lega doge olo,
“Itchiore thara hos pande sigunottei jugolei dede sieni, huno soge no dege, huno hane no sune ar huno jone monot bhabi no san.”
10 Hintu Itchiore tar Aptar darai sien amare degeie. Haron Aptabuoi begkani togai ar Itchioro gubono jinijchanio togai. 11 Haron ek jone oinnio jono mono hodagani hobor pebo ni? Bana tar aptabuoi tar nijor mono hodagani hobor pebo. Thik sedogkie gori Itchioro mono hodagani huno jone hobor no pan. Bana Itchioro Aptabuoi sieni hobor pai. 12 Songsaro aptabuo ami no pei. Thik sedogkie gori, Itchioro Aptabuo ami peieidie Itchiore amare boksit ijebe dede sieni hobor pei para. 13 Ar ami sei hodagani hoi, Manjior gyendoi sigeinde doge ami no hoi, hintu Pobitro Aptai sigeiede doge ami hoi. Aptar hodaloi aptar hodagani bhangi di. 14 Jeda Itchior no sinnie manjie Itchioro Aptar hodagani no bujon. Tharattei sieni bhulo hoda. Aptar doge sieni shagi sa pore hinottei, the sieni bujibar noi. 15 Aptar manjie begkani shagi san, hintu huno jone tare porikkie no san. 16 Haron, “PROBUR monan honna hoi parsie? Honna tare sigeibo?” Hintu Kristor monan amar age.