Rom
1
Mui Paula, Jisu Kristor banidajibuo. Mui apostol obartei Itchioro gom hoboranot more nokbhaj gora oie. 2 Agendi sei gom hoboran tar munigunor darai Pobitro Sastroganit soittio gorsie. 3 Sei gom hoboran olode Itchioro Puobuor sombonde. The Davidor bongsot manus oinei jormeiegi. 4 The Itchioro Puo bili Aptar Pobitroganor hemoda doge ar tare morattun jiei tulinei janei die. The olode Jisu Kristo, amar Probu. 5 Tar darai ami doye ar apostolo haman peiei, jene beg jador manuschune tar nange bischiaschan manon. 6 Be jadtuno loge tomareo Jisu Kristoi dakkie.7 Rom sohorot jigun ago, ar Itchiore hos peinei sadhu manus obartei jigunore dakkie, tomare begkunore mui legongor. Amar Bab Itchiorbuoi ar Probu Jisu Kristoi tomare doyegan ar shantigan dedok.
Romot Jebar Paular Dab
8 Goda songsaranot tomar bischiaschano sombonde huobula goron hinottei, bego akke, mui tomartei Jisu Kristor darai mui mor Itchiorbuore hujhi hoda hongor. 9 Jei Itchiorbuore mui tar Puobuor sombonde gom hoborano hamanot mone-prane sebona gorong, the mor shakki age jei mui bor magode tomar nangani nitto hong. 10 Mui tomar idu ei paribartei onsur bor magong, jene Itchioro ischie ole je huno prokare sejot mui tomar idu ei parong para. 11 Mui tomare hoiekkani aptar dan dibartei tomarloi lag pa-pi obartei dab gori-gori agong, jene tumi shokto aw para. 12 Sien olode, amar iot agede bischiaschane tomare ar more sahoj de para. 13 Bheilog, tumi hobor po para jei, oinnio Be-jadtuno iot phol pa jeiede dogkie gori tomar iot daw phol pebartei mui tomar idu ebartei onek bar ebar seiong. Hintu ikkie song badha pori age. 14 Grik manuschunor sidu, Grik manus no idie sigunor sidu, gyenigunor sidu ar murukkogunor sidu mui olungge horoj heiebuo. 15 Senottei, mui jittur parong Rom sohorot agode siguno siduio gom hoboran prosar goribartei mui jugol oi agong. 16 Haron Kristor gom hoboranottei mui no lajang. Je ien bischias gore tartei ien olode mukti pebar Itchioro hemodagan. Gom hoboran akke Judai manusnunottei ar Grik manuschunotteio. 17 Haron ienot Itchioro dharmigkan dega jeie, jien bischiasottun bischias. Sien Sastrot lega doge oi, “Dharmig manuschun bischiaso darai bajibak.”
Manjior Ugure
Itchioro Rakkan
18 Haron soittiogan aw-dharmig-kandoi sabi ragande beg Itchior-sara ar be-dhormi manuschunor biruddie sorgottun Itchioro rakkan dega diegi. 19 Haron Itchioror sombonde hobor paidie jinij tharare degeie. Haron Itchiore tharare sieni degeie. 20 Haron songsaran sristi gora oiede siottun dhori, sristi gora oiede jinijchanit, tar ononto hemodaganot Itchioro hatchiekkan tar dega no jaidie gunani porak-porak gori dega jeie. Senottei, tharar huno mab nei.
21 Thara Itchior hobor peineioio, tare Itchior bilinei mohima no goron. Tare hujhi hoda no hon, hintu tharar sintiegani aw-gunor ar tharar bhul monani hala oi age. 22 Thara gyeni holeileio behup oion. 23 Poji no jaidie Itchiorbuor mohimagan, poji jaidie manjior subhi, phegor subhi, ser thenggie jonturo subhi ar buk sejerei berande jib-bolar subhi bodolei duon.
24 Senottei tharar moiddie heyegani aw-mannio obartei tharar monanit pabor lubbogani hajor obartei gojei die. 25 Thara Itchioro soittiogan meyegandoi bodolei diduon. Ar juge-juge baini goronde Itchiorbuo, jibe Sristi gorie, sibiere tobona no gorinei, sristi gorsie jinijchani sebona goron. Amen.
26 Senottei Itchiore tharare aw-sorman oipaidie lubboganot gojei die. Haron tharar milieguneo niomo onusaran, be-niomo onusarandoi bodoli diduon. 27 Thik sedogkie gori morodtuneio, niomo onusare miliegunore hamot no lageinei, ek jone ek jonore lubbo gorinei morode-morode laj gore para ham goron. Sei upojukto hamo doge sastigan pebak. 28 Sei baraio, Itchioro gyenan thara rageibar no san hinottei, Itchiore tharare hojora monan gojei die, jene jien gorana osit noi sien thara goron para. 29 Beg be-dhormiganiloi, aw-shot shanda hamaniloi, dujtoganiloi, lubboganiloi, hu-monaniloi, hinsieganiloi, hun goranagandoi, jagulugkiegandoi, thoganagandoi, bojong monandoi thara boron oi agon. Thara gop die oion. 30 Thara manus sorjeie, Itchior hos no peie, moromara, phodani, bahadori gorie, bojong jinij abiskar gorie, ar bab-ma aw-mannio gorie oion. 31 Thara gom-bojong hobor no peie, aw-bischias-joggio, hos no peie, mab no die, ar doye-meye sara oion. 32 Je sieni gore, Itchioro dharmig bijiero onusare sigunor moribar lak bili thara hobor pei theleio, thara nijeio sieni goron ar sieni goronde sigundoio raji on.