Malta Dippuot
28
Muro ugure udinei oi hobor pelakke sei dippuo Malta hon. 2 Sei dippuor manuschune egahora lobiot gorsion. Amattei agun jalei dinei amare dakkuon, haron jhor der ar thanda. 3 Ar Paula ek thara darbuo aninei agunanot dinei, gorom peinei ekkuo jamuro sab nigili einei Paular adtanot huttiegi. 4 Sebeden dippuor manuschune sabpuo tar adtanot dulo-dulo gori deginei, thara-thara huobula gorton, “Ei manuschuo hamakkai hun gorie obo. Judio sagoranottun uddhar oi eleio, Soittiogane tare bajibar no der.” 5 Hintu the jhagereinei sabpuore agunanot phelei die ar tar hitchu bis no bai. 6 Thara mone gorsionde the phulibo bah borat gori porinei moribo. Hintu thara bhalukkon tare sei theinei ar tar hitchu hoti no oidie deginei, tharar monani phireinei hoionde je the ekkuo Itchior.7 Sei lokkene dippuot, Publia nange ek jon murubbir sei bamot jaga elo. The amare tar ghorot daginei tin din rageie. 8 Ar edogkie olo, Publiar babpuo jhor ar shang oinei pori elo. Paule tar sidu jeinei tare adtuli dinei bor magi dinei gom gorilo. 9 Sien onar porendi, dippuor oinnio aw-sugkiegune elak ar Paule tharare gom gori dilo. 10 Thara amare onek hittendi lobiot gorsion. Ami jadegoi, amar hi hi lage thara amare duon.
Paula Romot Lungilogoi
11 Tin mas porendi, ami Alexandriar jahajot gori gelong. Sienot Jama Bheior mokti ageie elo. Siene jarhalluo dippuot hadeie. 12 Syraku sohorot ami laminei siot tin din roiei. 13 Siottun guri jeinei Rhegium sohorot lungiegoi. Ar ek din porendi, dokkino boieran beinei tar hellie Putheoli sohorot elong. 14 Siot hoiek jon bheilog lagot peinei thara amare boleinei tharar loge ek sapta thelong. Ar sengori ami Rom sohoro mokkie gelong. 15 Rom sohorottun bheilogkune amar ejanar sombonde suninei, thara amarloi lak pa-pi obartei, Appii Bazar ar Tin Hotel song ejchuon. Paula tharare deginei, the Itchiorore donniobad dilo ar sahoj elo. 16 Ami Rom sohorot lungineioi, ek shot jon soinnio ugure senapotibuoi? jiel hadiegun hembot ajol netabuore gojei diegoi. Hintu Paula gai-gai ek jon subidarloi thebartei the onumoti dilo.
Paular Prosar
17 Tin din porendi Paula Judai murubbigunore eksomare dagilo. Thara eksomare thubeinei, Paula tharare holo, “Bab-bheilog, judio amar manuschunor biruddie bah amar Purbo-puruschununor dosturani biruddie mui hitchu gori no theleio, tobuio more Jerusalem sohorottun Romor manuschunor adot bondhi gori gojei duon. 18 Romor manuschune more porikkie goranar porendi, more morei phelebar moto duj no pan hinottei thara iri dibar seion. 19 Hintu Judai manuschune abitti gorinei, Kaisara idu mor abitti gora porsie. Mor jadtuor biruddie mor hitchu duj dibar nei. 20 Ei haronanottei mui tomare dega goribartei ar hobartei dagilung. Haron Israelor ashaganottei mui ei shingollandoi banan hei agong.” 21 Sebeden thara tare holak, “Tor sombonde Judea dejottun ami huno sidi no pei ar huno bheie einei tore bojong no hondi. 22 Hintu tui hi mone goros ami sien tortun sunibar sei. Haron ami hobor peiei jagai-jagai ei dolluor biruddie hon.”
23 Paulattei thara ekkuo din thik gorinei, onek manus the thaidie siot jeion. Tharare the beinniettun dhori bellie song Itchioro rejjiogano sombonde gome-dalei bhangi dinei ar shakki die. Mosir Niomo boibuottun ar munigunor boibuottun Jisur sombonde proman die. 24 Paula hoiede hodaganiloi hoiek jone buj peion bischias gorsion ar hoiek jone bischias no goron. 25 Sebeden thara-thara mana mani no olo. Sejot Paula ei hodagan honar porendi thara gelakkoi, “Muni Isaiar darai Pobitro Aptai thik gori amar Purbo-puruschununore hoie.
26 ‘Ei manuschuno sidu jeinei hogoi, “Sunde suniba, hintu no bujiba. Ar degode degiba, hintu no bujiba.
27 Haron ei manuschunor akkolani han oie. Tharar hanedi harai no sunon ar tharar sogkun hattuon. Anole, thara sogedi degibak ar hanedi sunibak. Ar tharar monaniloi bujinei phiribak ar adikkie mui tharare gom gori di dim.” ’
28 “Senottei, mui tomare janei duongor, Itchiore tar muktigan Be jadtuno sidu padei die ar thara sien sunibak.” 29 Paula sei hodagani honar porendi Judai manuschune gelakkoi. Thara-thara shanggadik huobula gorilakkoi.