Paula Jahajot Gori Rom Jeie
27
Ami Italy dejot jahajot gori janagan thik goranar porendi, Augustan Regimentor? Julia nange ek jon ek shot jon soinnio ugure senapoti? elode sibiere Paula ar hoiek jon oinnio jiel porsie loge gojei duon. 2 Sebeden Adramyttium sohorottun ejchie jahajchanot udilong. Sien Asia dejor sagoro phare phare jaganit jebar oie. Thessalonika sohorottun Makidonia hullie Aristarka amar loge jeie. Sebeden ami jahajchanot gori gelonggoi.3 Tar hellie ami Sidon sohorot lamilonggoi. Julia Paulare doye gorsie. Paula tar song somarsieguno sidu jeinei tar poran jurebartei the Paulare iri die. 4 Siottun ami aro jahajchanot gori gelonggoi. Boieran ami jeirtei mokkiettun bar hinottei, Kupra dippuor andole andole gelong. 5 Sebeden Kilikia ar Pamphylia rejjioganir sagoro paro hai sagoran phuri jei Lycia zelar Myra sohorot lungilonggoi. 6 Siot ek shot jon soinnio ugure senapotibuoi? Alexandria sohoro jahaj Italy dejot jebar sien peinei, the amare jahajchanot tuli dilo. 7 Ami onek din lare-lare gori janar porendi, bole-bole Knidu sohoro paro uju lungilonggoi. Boierano sujuk nei gori ami ar jei no parilong. Sebeden ami Kret dippuor andole andole Salmon jagano uju lungilonggoi. 8 Bole-bole sien pak hei janar porendi, Dol Ghad honde jaganot lungilonggoi. Sien olode Lasa sohorano hai.
9 Onek somoi pelanar porendi, amar janagan birat aghattie oie. Senottei Paula tharare uij dilo, haron Ubos thanar somoien honatto bidi jeiegoi. 10 The tharare holo, “Oh bheilog, mui mone gorong ei jadtragan thum obode birat bipod somot ar onek hoti somot. Bana mal mattani ar jahajchan noi hintu amar jibonanio arebong.” 11 Hintu jahajchano sarangguoi ar jahajchano girojchuoi Paulai hoiede sienittun bes gori ek shot jon soinnio ugure senapotibuore? bujeion. 12 Jahajor ghadtan jarhalluo hadeibar upojukto noi hinottei, begbhage jebarloittei thik gorsion. Phoenikia sohoranot lunginei sidu jarhalluo hadeibarlottei asha gora oie. Sien olode Kret dippuot, dokkin pojim ar uttor pojim mokkie.
Sagorot Tubol Lagot Pelak
13 Dokkino boieran aste-aste jokkene bar, thara mone gorilakke jebar ari udilo. Sebeden tharar luo alan tulinei, Kret dippuor phare phare ja dorilak. 14 Hintu hanekkon porendi, Euroklydon honde ekkan bor boier belo. 15 Sebeden jahajchan bor boieranot porilo, ar jahajchan boierano mokkie jei no parinei boierane nejar. 16 Klauda honde dippuor andole-andole, bole-bole sigon nawgan nigilei parsion. 17 Sien panit lamei parinei, jahajchano tole hajhiloi banilak. Syrti Sorbuot adikkie uduondoi bili dore, pangeien tole phelei dinei di ja bajei duon. 18 Tubolot bes gori dug peiei hinottei tar hellie pojabiriegani panit phelei duon. 19 Tin dino dijiet jahajchanor aittierani amar nijor adtoi panit phelei dilong. 20 Onek dinsong belo mu ar thara mu no degi ar tubolan onsur uder. Sejot, ami bajibar asha areiei.
21 Onek din ubos thanar porendi, Paule tharar moiddie thieinei holo, “Bheilog, mor hoda suno. Kret dippuottun ami no edong edokkani hoti ar edokkani nosto no olun. 22 Hintu mui tomare buk bani duongor, no doreo! Haron huno jon no moribong, bana jahajchan nosto obode. 23 Haron gelle reidot, mui sebona gorongge ar mor Itchiorbuottun ekkuo sorgo-dud mor hai thieinei hoiegi. 24 ‘Paula, no dores! Tui Kaisaror mujungot thiei pebegoi, ar sa, tor loge jahajchanot gori jadonde sigun begkun Itchiore tore hujhie die.’ 25 Senottei bheilog, no doreo. Haron mui Itchior bischias gorong ar more hoiede doge obo. 26 Hintu amar je huno ekkuo dibuot uduo poribogoi.”
Jahajchan Dubilo
27 Soiddio dino reidtuot, Adriatik sagorot tubole ejosong endi-undi amare nejar. Perai reid song bhagot jahajchanor manuschune mone gorilakke thara hulo hai etton. 28 Thara sobdo bajeinei pelakke panigan huri biong gobhin. Aro hottur jeinei abar sobdo bajeinei pelakke panigan pondoro biong gobhin. 29 Sebeden adikkie silo ugure uduondoi bili dore, jahajchano pajhattun seiran luo al phelei duon, ar phor obartei bor magi magi thelak. 30 Jahajchano ugurettun luo alani phelei dedonde dogkie gori jokkene sigon nawgan panit lamadon, jahajchanor manuschune jahajchanottun dhei jebarloittei sadon. 31 Paula ek shot jon soinnio ugure senapotibuore? ar soinniogunore holo, “Ei manuschun jahajchanot no thele, tumi baji parta noi.” 32 Sebeden soinniogune sigon nawgano hajhigani habi dinei phelei dilak.
33 Phor awtte lokke, Paula begkunore bhat hebartei hujoli gorinei holo, “Edchie soiddio din olo tumi bhat-pani no heie gori eksottie barsei ago. 34 Senottei, bhat hebartei mui tomare hujoli gorongor. Haron bhattun olakke tumi bajibartei, hittei hodosele tomar madattun ekkan sulo porto noi.” 35 The sei hodagani honar porendi, pidie adot loinei begkunor mujungot Itchiorore hujhi hoda honar porendi hotta gori-gori ha dorilo. 36 Siendoi begkunor sahoj barilo ar begkune bhat helak. 37 Ami begkune di sho shiehottur jon jahajchanot elong. 38 Sebeden thara ped boron heinei, thara jahajchan padol goribartei ghomun panit phelei dilak.
39 Phor oinei thara jagagan no sinilak. Hintu thara ekkan ghona ar ekkuo sor degkuon jiot parilie jahajchan bhirebartei thik gorsion. 40 Sebeden thara luo alani sagorot phelei dilak. Sieni gorte pangeigano hajhigani areion. Boierot porda haboran tangi dinei bhirebartei selak. 41 Hintu dien ghulot porinei jahajchan muro ugure udilogoi. Agagan shokto gori bajhi theinei no sattiei ai. Hintu pajhagan pani tubolo bari hei bhangi jeie.
42 Jiel porsiegune shajuri jeinei dhei jan bili, soinniogune tharare morei pheleibartei thik gorsion. 43 Hintu ek shot jon soinnio ugure senapotibuoi? Paulare bajeibartei sigune tharare morei pheleibartei mana gorsie. Ar je shajuri pare jham mari jeinei akke murot udibarloitei the ugum dilo. 44 Sebeden hodogkune nawt gori uttuondoi, ar hodogkune jahajchanor bhanga hottat gori uttuondoi. Sedogkie gori begkune gome-dalei muro ugure uttuondoi.