26
Sebeden Agripa Paulare holo, “Tor nijottei hobar tore onumoti die olo.”Sebeden Paula ad biji biji tar nijor pokke holo, 2 “Raja Agripa, mor pokke hobartei edchie mui tor mujungot thiei peinei mui baari bhaiggottie bili more mui mone gorongor. Judai manuschune more duj badei duonde sieni begkanir sombonde mor pokke hong. 3 Bischas gori tui Judai manuschunor beg dosturanir ar jagulugkanir sombonde podu hinottei, mor hodagani mon di suni thebartei mui tore hujoli gorongor.
4 “Agottun dhori mui mor nijor jado sere Jerusalem sohorot roiong. Mui haroschie oiongge siottun dhori mui hingori roiong beg Judai manuschune hobor pan. 5 Thara agottun dhori hobor pan. Tharattun judi mone hoi amar dhormot shokto dolor mui ek jon Pharisi bili mor sombonde shakki di paron. 6 Itchiorbuoi amar Purbo-puruschununore dede ashagano soittiogan mui bischias gorong hinottei ikkie mui bijierot thiei pelunggi. 7 Sei soittiogan amar baro gojai pebar ashai, ega mone thara reide-dine Itchior tobona goron. Oh raja Agripa, sei ashagano sombonde Judai manuschune more duj badei duon. 8 Itchiore mora jiei tuli bili hittei tui bischias no goror?
Paula Tar Nuo Jormo
Hoda Hor
9 “Nazareth hullie Jisu nangano biruddie mor onekkan gora poribo gori mui nijeio jodepode bhabi seiong. 10 Ar sedogkie Jerusalem sohorot mui gorsiong. Moharajguruthagurunottun odhihar peinei, onek sadhu manus mui jiel-hanat bhoreionggoi, ar sigunore morei peladonde lokkene mui sigunor biruddie vot duong. 11 Prottiek synagog bagene mui tharare nitto sasti duong, ar tharare mui sorja bajeiduong. Tharar biruddie mui shanggadik rak oinei, bi-deji sohorot pursondo mui tharare uttiesar gorsionggoi.
12 “Sieni gorte mui Damaska sohorot rajguruthagurunottun odhihar ar dipadeie uguman somot jade, 13 Oh moharaja, dibursie agajottun ekkan phor belanottun bes photpottie gori mor ar mor loge jadonde siguno seropalaio phuttiegidie mui degkuong. 14 Ar ami jokkene begkune madit porilong, ekkuo sobdoi Hebru hodadi more hode sunilung, ‘Saula, Saula, tui hittei more uttiesar goror? Suschieng jadhibuot ladi marana tortei aghattie age.’ 15 Sebeden mui holung, ‘Probu, tui honna?’ Ar the holo, ‘Mui Jisu, tui uttiesar gorotte sibie. 16 Hintu udinei thie. Haron ienottei mui tor idu dega dilunggi: Tore sagorsie banebartei ar tui degilede ieni ar mui tore degeibar agede sienir shakkidie banebartei. 17 Tor nijor manuschunottun ar ikkie tore padei dimbie Be jadtunottun mui tore rokkie gorim. 18 Tharar sogkun huli dibartei, andharottun phorot tharare phirei anibartei ar Soitano adottun Itchiorbuo sidu anibartei mui tore dipadangor, jene thara pabor hemagan pan para ar mor iot bischiaso darai pobitro oionde sigunor somare odhiharo sompotti pan para.’
19 “Oh raja Agripa, senottei sorgottun ejchiede ajhijiegano biruddie mui aw-mannio no gorong. 20 Akke mui Damaska sohorot agonde Judai manus-chunor sidu prosar gorsiong. Tar porendi Jerusalem sohorot elakke Judai manuschunor sidu ar goda Judea rejjiot elakke Judai manuschunor sidu mui prosar gorsiong. Mui Be jadtuno siduio prosar gorsiong. Jene thara mon phireinei Itchiorbuo sidu phiron, ar mon phireion bili ham goron. 21 Sienittei Judai manuschune mondirbuot more dhorsion ar morei pheleibartei seion. 22 Sengori Itchiorbuottun sahajjio peinei, ejchiesong mui udinei sigon-dangor begkunor sidu shakki duongor. Ebode sienir sombonde munigune hoi jeionde ar Mosi hoi jeiede sieni bade mui hitchu no hong. 23 Kristo hosto bhug goribogi, morattun jiei ude the polimmuo obo, ar Judai manuschuno sidu ar Be jadtuno sidu porano sombonde prosar goribogi.”
24 Engori Paula tare the bajeibar hoda horte seiet, Festase birat ro gori holo, “Paula, tor mada horab oie! Tui bes gori lega shiginei pagol oios!” 25 Hintu Paulai holo, “Oh moha manonio Festas, mui pagol noi hintu mui soittio hodagan ar haronan hongorte. 26 Mui mone gorong rajabuoi ieni begkani hobor pai, haron ieni hona bidirie gora no oi ar mui tare hulomela gori hoi parong. 27 Raja Agripa munigunor hodagani tui bischias goros ni? mui mone gorong tui bischias goros.” 28 Sebeden raja Agripai Paulare holo, “Tui more ekkattiei kristien banas.” 29 Ar Paulai holo, “Itchiorbuo sidu mui ien bor magong jei awlpo somoie ok bah bes somoie ok edchie tui ar je je mor hoda suner mor sigolan bade begkune oda.” 30 Paula ei hodagani hoieio rajabuoloi ar sason-goriebuoi thiei uttuon. Berniseo thiei uttie, ar siot tharar loge boi elakke siguneo thiei uttuon. 31 Thara sei gudhibuottun jeineigoi, thara-thara huobula gorton, “Ei manuschuoi moribar bah banan hebar moto ham no gore.” 32 Agripa Festasore holo, “The judi Kaisara sidu abitti no gorto ami tare iri di parilongun.”