2
Senottei, Oh bijier goroschie Manuschuo, tor mab nei. Haron tui sasti goroschie sien tuio goros hinottei, tui nije-nije dujot poros. Haron tui bijier goroschie sieni tuio goros. 2 Hintu ami hobor pei, sieni goronde sigunore Itchiore soittio onusare bijier gore. 3 Oh manuschuo, sieni goronde sigunore tui sasti duos, ar tui nije sieni gorinei Itchioro sastittun sari paribiede tui mone goros ni? 4 Tui hi tar shanggadik goman, soijjiogunan, hosto bhugkan obohela goros ni na? Itchioro gomane tor monan phirie bajei di parede sien hobor no pas?5 Tomar akkol-hananor ar ulluor doge Itchioro ragor dinnuot tomar nijottei huttieri joma gori thor. Sei dinnuot Itchiore tar dharmig bijieran degebo. 6 The “prottiek jonore hamo onusare dam dibo.” 7 Je dhorjio dorinei mohima obartei, sorman obartei ar ononto jibono jinij eksottie togai, tare ononto jibon die obo. 8 Hintu jigune nijor labpan togan, soittiogan no manon hintu be-dhormigan manon, thara huttierigan ar rakkan pebak. 9 Je bojong ham gore, tharar prottiek jonor ugure dangor hosto ar jagulug ebo. Akke Judai manuschunor ugure ebo, sebeden Be-jadtunor ugureo ebo. 10 Hintu je gom ham gore, sigunor ugure baini, sorman ar shanti ebo, akke Judai manuschunor ugure, sebeden Be-jadtunor ugureo ebo. 11 Haron Itchiore harore eitzabor no gore. 12 Jigune Mosir niomanor sara gori pab gorsion, sigune Mosir nioman sara gori boij jebak. Ar jigune Mosir niomanot pab gorsion, sigunore Mosir niomano onusare bijier gora obo.
13 Haron jigune Nioman suinnion, Itchioro sogot thara dharmig noi. Hintu jigune niom palan, tharare dharmig dhora jebo. 14 Haron jokkene Be-jadtune jigunottun niom nei, niomanot agede doge gora gele, judio tharar niom no theleio, sien tharar niom oi. 15 Sigunor ontorot niomor haman lega age gori degan. Tharar idie-ittane proman degai, jei tharar sintiegane okte-okte duj de ar okte-okte mab de. 16 Sokkene Itchiorbuoi manjior guboniogani Jisu Kristor darai bijier goribode dinnuot mor gom hoborano doge obo.
Judai Manuschun ar Nioman
17 Tumi daw Judai manus bili ho, niomano ugure nirbhor goro, ar Itchioro iot bar goro. 18 Tumi tar ischiegan hobor po, haron tomare niomanottun shigie oie ar begottun gom jinijchani mani lo. 19 Tumi shokto gori hobor pode, jei han manjiortei tumi olade pod degei die ar andharot agonde sigunottei tumi olade phor. 20 Tumi olade murukkogunottei sigeie, gurogunottei mastor. Niomanot tomar ek doronor gyen ar soittio age. 21 Senottei, tumi manjiore shigo, tumi nijore a hittei no shigo? Sur no gorsio gori tumi manjiore shigo, tumi a hittei sur goro? 22 Tumi ho, “Shanda no gorsio,” tumi a hittei shanda goro? Mokti hos no po hoinei tumi a hittei mondir luddo? 23 Niomanot tumi bar goro, nioman bhonggo gorinei tumi a hittei Itchiorore aw-sorman goro? 24 Haron Sastrot lega age, “Tomartei Itchiorbuor nangan Be-jadtunor moiddie sorjan.”
25 Haron Nioman judi palo, sundu-sam habanagan lab age. Hintu tumi judi Niom bhonggo goro, tomar sundu-sam habanagan, no habe para obo. 26 Senottei, sundu-sam no happiei ek jone judi Niomo doge dharmigkan ragai, tar sundu-sam no happiegan sundu-sam happie sannie dhora jebode noi ni? 27 Tomartun Nioman sejo okkiorbuo song age ar heyeganot
sundu-sam happuo. Tobuio Niomanor biruddie tumi jo. Je heyeganot sundu-sam no habe, ar judi the Nioman puro gori palai, the tomare bijier goribuo. 28 Haron uguredi Judai manus ole noi, ar sundu-sam habanagan heyeganot ugure habanagan noi. 29 Hintu je bidirendi Judai manus, the jodepode Judai manus ar sundu-sam habanagan olode ontorot. Legaloi legkie noi, hintu aptat legkie, ar sienor bainigan manjiortun noi, hintu Itchiorottun.