3
Salen, Judai manjiortei hi shobidie age ar sundu-sam habanagan hi lab? 2 Je huno iet onek lab age. Bego akke, Itchiore Judai manuschunore tar hodagan phelei di jeie.3 Salen, judi hoiek jone bischias no gorilie hi obo sei? Thara bischias no goronde siendoi Itchioror bischias-joggiogan loribo ni na? 4 Hamakkai noi. Sienor jagat, Itchiorbuo soittio ar prottiek manus olakke gal madie. Sien Sastrot legkiede doge,
“Tor hodaloi tui dharmig os para, tore bijier gorilie tui jidos para.”
5 Hintu judi amar aw-dharmigkane Itchioro dharmigkan degai ami hi hobong sei? Itchiore amar ugure rak tulilie, tare be-dhormi hobong ni na? (mui manjior doge hongor.) 6 Hamakkai noi. A salen, Itchiore hingori songsaro manuschun bijier gore? 7 Haron mui gal madimbie siendoi judi tar oborug obartei Itchioro soittiogan bes oi jai, a hittei more ejong song pabi bili dhora jai? 8 Salen, ami a hittei no hoi, “Goman ebartei bojong ham gori”? Sedogkie gori amare thara barei-barei hondoi ar ami sedogkie gori hoiei bili hon. Tharare duj denagan thik age.
Hono Jon Dharmig Noi
9 Salen hi? Ami tharattun bes gom ni na? Shobai noi. Haron ami duo-dagire honatto duj diei die, Judai manuschun ar Be-jadtun begkune pabor odinot tole.
10 Sien Sastort legkie age,
“Huno jon dharmig nei, na, ek jonio nei.
11 Huno jone no bujon, huno jone Itchior no togan.
12 Thara begkune pazara phari jeiondoi, thara eksomare dorkar no lakkie oion. Huno jon gom ham no goron, na, ek joneo no goron.”
13 “Tharar todagun olakke hulo sidiesalo dogkie. Tharar jilaniloi phagara hoda hoion.” “Tharar jilanir tole dummuo sabor bis age.”
14 “Tharar muonit obisab ar tidie age.”
15 “ Lo phelei dibartei tharar thenganie jhadi-jhadi akkoloi.
16 Tharar podtanit dongso ona ar dugot poranagan age.
17 Shantir podtan thara hobor no pan.”
18 “Tharar sogkunot Itchiorore dhoranagan nei.”
19 Ami hobor pei, Niomane jien hoi sien olode, Niomanor tole agonde sigunore hoi, jene beg muoni bondo oi para ar beg songsaro manuschun Itchiorbuor mujungot duji on para. 20 Senottei, tar mujungot Niomano hamor onusare huno jonore dharmig gona no obo. Haron Niomanor darai manjie pabpan sinibak.
Bischiaschanor Darai Dharmig
21 Hintu ikkie Itchioror dharmig-kan Niomanor bara dega jeie. Sienor shakkigan olode, Nioman ar munigun. 22 Jisu Kristore bischiaso darai agede Itchioro dharmigkanio begkuno sidu ar tare bischias goribakke siguno sidu dega jeie. Haron siot huno partokko nei. 23 Haron begkune pab gorsion ar thara Itchioro mohimaganot no lungibakkoi. 24 Jisu Kristor iot the shoreiede tar doyeganor darai the dam sara gori dharmig gona obo. 25 Bischiasor darai tar loganot, Kristore Itchiore tare hujhi gorede dali ijebe diegi. Ieno phol olode Itchior manuschunor ago pabpani hema gori dinei degelode jei the dharmig. Sorjiogunor darai Itchior sei pabpani hadei die. 26 Je Jisure bischias gorsie, sibiere the bijier gorie ar dharmig bili degebartei ei somoi the tar dharmigkan degeie. 27 Salen, baini goranagan hudu? Sien bad die oie. Hon Niomano darai? Hi hamor darai? Noi, hintu Bischiasor niomo darai. 28 Senottei, ami ien hoinei thum gori pari, ek jon manus bischiaso darai dharmig dhora oi, niomor hamano darai noi.
29 Nahi, Itchior bana Judai manuschunor Itchior de? The Be-jadtunoro Itchior noi ni na? The Be-jadtunoro Itchior. 30 Haron ekkuo gori Itchior age hinottei, the bischiaso darai sundu-sam happiegunore ar sundu-sam no happiegunore dharmig goreibo.
31 Salen, bischiaso darai nioman bhonggo gorilong ni na? Hamakkai noi. Sei bodoli, Nioman ami shokto gorilong.