Abrahame Bischiase
Dharmig Oie
4
Salen, manjior ijebe amar Purbo-puruschun Abrahame hi peie bili hobong sei? 2 Haron Abrahamore judi hamo darai dharmig gona odo, tar bar goribar thelun, hintu sien Itchiorbuor mujungot no thelun. 3 Haron Sastroie hi hoie? “Abrahame Itchiorore bischias gorsie, ar sien tare dharmigkanot gona oie.”4 Je ham gore, tar haman dan dhora no jai hintu bedon dhora jai. 5 Hintu Itchiorbuo olode Itchior sara manuschunore dharmig gonie. Je ham no gorsie gorinei Itchiorore bischias goribo, tar bischiaschan Itchiore dharmigota bilinei gonibo. 6 Davide sei hodagan hoie. Ham sara gorinei Itchiore dharmig gonilie sei manuschuo hoballie.
7 “Jigunor niom sara hamani mab die oie sigun hoballie. Ar jigunor pabpani muson gori die oie.
8 Jei manuschuor pabpani PROBUIE dai no goribuo the hoballie.”
9 Salen, sei asirbadtan bana sundu-sam happiegunor ugure eje, nahi sundu-sam no happiegunor ugureo eje? Haron ami hoi, bischiaschanottei Abrahamore dharmig gona oie. 10 Salen, sien hingori gona olo? The sundu-sam happiede lokkene nahi, sundu-sam no habede lokkene? Hamakkai sundu-sam happiede lokkene noi, hintu sundu-sam no habede lokkene. 11 Sundu-sam habanagan the peiede olode ekkan sinno. Bischiasor darai the peiede dharmigkanor marga olode sien. Sundu-sam no habode Bischiasor darai dharmigkan the peie. Senottei, jigune sundu-sam no habi theleio, je bischas gorsie sigunor begkunor bab oie, jene dharmigkan tharar ugureo gona oi. 12 Abrahame bana sundu-sam happiegunor bab noi, hintu the sundu-sam no habode peiede bischiaschan Purbo-puruschun Abrahame adeiede bischiaso huschuo je adai sigunor babpuo the oie.
13 Haron Abrahame ar tar bongsogune songsaran odhiharo sompotti ijebe pebar protiggiagan peion. Sien Niomano darai no pan, hintu Bischiasor darai peionde dharmigkanor darai sien peion. 14 Je Niomano doge theinei sien pan, salen bischiaschan hitchu noi ar huno moillio nei. 15 Niomane rakkan ane hinottei, jiot Niom nei siot Niom bhonggo nei. 16 Senottei, doyegan protiggiagano doge obartei, sien Bischiasor ugure nirbhor gore, jene sei protiggiagan Abrahamor beg bongsogunor ugure hamakkai oi. Sien bana Niomo doge noi, hintu Abrahamor bischias elode ugure nirbhor. The olode amar begkunor Purbo-puruschun. 17 Sastroie sien hoie, “Onek jador Purbo-puruschun mui tore banelung.” Jei Itchiorbuoi mora manjiore jibon de ar jare ami bischias gorsei sibier mujungot Abrahame amar bab olo. Sei Itchiorbuoi neidie jinijchanir sombonde agede dogkie gori the hoi.
18 Abrahame tar polim ashagan thum oinei, the asha gorinei Itchiorore bischias gorsie hinottei, the onek jador Purbo-purus oie. Sien Itchiore hoiede siendoi milie, “Tor bongsogun sedukkun obak.” 19 Tar bischiaschan hom no gorsie gorinei, the ek shot bojor oie hinottei the bujilode tar heyegan ar Sarir gorbhoganio morsie. 20 The Itchiorbuor protiggiagan bischias no annie gori shiongshama no gore. Hintu bischiaschan shokto gori Itchiorore baini gorsie. 21 The puro gori bischias gorsiede jei, Itchiore tare jien protiggia gorsie, sien goribar tar hemodaio age. 22 Senottei, “Sien tartei dharmigkanot gona oie.” 23 Sien bana Abrahamottei gona oie bili lega no oi. 24 Hintu sien amatteio. Je amar Probu Jisure morattun jiei tulliede Itchiorbuore bischias gore, tharareo dharmigkanot gona obo. 25 Amar aw porattanittei Jisure mora bajei die, ar amare dharmig goragan obartei tare jiei tulo oie.