Shanti ar Hujhi
5
Senottei, Bischiasor darai dharmig gona oinei, amar Probu Jisu Kristor darai Itchiorloi milie mili olong. 2 Tar daraio ami Bischiasor darai doyeganot somilong. Ami sei doyeganot agi ar Itchioro oborug ashaganor phorti gorir. 3 Bana sien noi, hintu hosto bhugotio phorti gorir. Haron ami hobor pei hosto bhugot dhorjio bare. 4 Dhorjio thele sorittro gom oi, ar sorittro gom ole asha bare. 5 Ashagane amare laj no de. Haron amare die oiede Pobitro Aptabuor darai Itchioro hospanagan amar ontorot dali die oie. 6 Haron ami bolnei gori thagke thik somoie Kristo Itchior sara manuschunottei morsiegi. 7 Ek jon dharmig manjiortei ek jon morte hodin, ar ek jon gom manjiortei ek jon moribar sahojio gori pare. 8 Hintu amattei Itchiore tar hospanagan edogkie gori degeie: Ami pabi elongge lokkene Kristo amattei morsiegi. 9 Sienottun bes olode, Kristor logano darai Itchiore amare dharmig gonnie, ar tar darai Itchioro rakkanottun bajeibo. 10 Haron ami Itchioro sottru oi thagke, Itchiore the nije tar Puobuor moranaganor darai amarloi milie mili goreie. Ar milie mili goranar pholano baraio, tar jibonandoi ami mukti obong. 11 Ar bana sien noi, hintu amar Probu Jisu Kristor darai Itchioro siot daw ami porti goribong, haron tar darai ami ikkie milie-mili olong.Adamor Darai Moranagan,
Kristor Darai Jibonan
12 Senottei, ek jonor darai pabpan songsarot sommie. Thik sedogkie gori, moranagan pabpanor darai songsaranot sommiegi. Ar sengori, begkune pab gorsion hinottei, moranagan begkunor sidu shidie gelo. 13 Haron Nioman no ette pabpan songsarot elo. Hintu Nioman no elode lokkene pabpan no jai. 14 Tobuio, Adamor amolottun dhori Mosir amol song moranagan sason-gorie elo. Ebar agede sibier dhoronor Adame bhonggo gorsiede dogkie gori pab no goronde sigunor ugureo, moranagane sason gorsie.
15 Hintu magana dan oborad-tano dogkie noi. Haron ek jonor oborador darai onek manus morsion. Hintu onek manjior sidu bari jeiede Itchioro doyegan ar doyeganor danan sittun bes. Sei doyegan olode ek jonor darai ar sibie olode Jisu Kristo. 16 Ar danan ek jone pab gorsiede darai ejchiede sieno dogkie noi. Haron bijieran ek jono dujottun ejchie jienor darai sastigan ejchie. Hintu magana boksittan olode jien onek jonor dujor darai ejchie, jienor phole dharmigkan ejchie. 17 Haron ek jone judi duj gorinei, moranagane sei Manuschuor darai sason gorsie. Je alajhala doye ar dharmigkanor danan peie sittun bes sigunor jibonot sason-goribuo. Sigune tar darai sason goribak, ar sibie olode Jisu Kristo.
18 Senottei, ek jonor dujor darai begkunor sidu sastigan ejchie. Thik sedogkie gori, ek jonor dharmig hamor darai, dharmigk-ane begkunottei jibon ani die. 19 Haron ek jonor aw-mannior darai onek jonore pabi baneie. Thik sedogkie gori, ek jonor manjior darai onek jonore dharmig baneie.
20 Nioman ejchiede Niom bhonggogan barebartei. Hintu jiot pabpan bare doyegan sittun bes bare. 21 Sien olode, pabpane moranagandoi sason gorsie. Thik sedogkie gori, amar Probu Jisu Kristor darai doyegane dharmigkandoi ononto jibonottei sason-goribuo.
Pabottei Mora,