Kristor
Nange Jeda
6
Salen, ami hi hobong? Doyegan bare para eksottie pab goribong ni na? 2 Hamakkai noi. Pabor nange ami morilie, a hingori pabor nange bajibong sei? 3 Ami jedog jon Jisu Kristo iot baptisma loiei, tar moranaganot baptisma oieidie hobor no po ni na? 4 Senottei, baptismagano darai moranaganot tar loge amare gara oie. Babor mohimagandoi Kristore morattun jiei tulo oiede dogkie gori, amio nuo jibondoi berana.5 Haron ami judi tar morana-ganot ek ole, hamakkai tar jiei uduonaganotio ek obong. 6 Ien hobor pei, pabor dolabuo pharok goribartei amar puron manuschuore tar loge krosot die oie. Senottei, ami pabor banidaji noi ar. 7 Haron je morsie the pabottun sarsie.
8 Ikkie ami judi Kristor somare mori, ami bischias gori, amio tar somare bajibong. 9 Ami hobor pei, Kristore morattun jiei tulo oie hinottei morto noi ar. Moranaganor tar ugure hitchu odhihar nei ar. 10 Haron jokkene the morsie, the pabor nange umore-umorottei morsie. Hintu jokkene the jeda oie, the Itchiorottei jeda oie.
11 Thik sedogkie gori, tumio pabor nange jodepode gori morsio bili mone gorsio. Hintu amar Probu Kristor iot Itchioro nange baji thago. 12 Senottei, mori jebode tomar heyeganot tar lubpan maninei, pabpanore sason goribar no duo. 13 Tomar heyet onggogani pab goribartei be-dhormi aittier banebar no duo. Hintu morattun jiei uttie bili jugol gorinei tomar heyet onggogani dharmig aittier banebar Itchiorore gojei duo. 14 Haron pabpane tomar ugure sason goribar hemoda nei hinottei, tumi Niomo tole noi, hintu doyegano tole ago.
Dharmigkanor Banidajigun
15 Salen hi? Ami Niomo tole noi, hintu doyegano tole hinottei, pab goribong ni na? Hamakkai noi. 16 Tumi hobor no po, tumi nije jare manibartei banidaji gori gojei duo, tumi tar banidaji ode? Pabore manibartei gojei dile the morei pheleibo. Mananaganore gojei dile dharmigkano banidaji oba. 17 Hintu Itchioror donniobad ok jei, judio tumi pabor banidaji ela, tumi ontoredi mannio, sei sigkiegan tomare die oie. 18 Ar tomare pabottun sari die oie hinottei, tumi dharmigkanor banidaji ola.
19 Tumi heyedi norom hinottei mui manjior doge hongor. Haron tumi jemon agendi niom sarattei nijor-nijor onggogani aw-poriskar ar niom saragani idu banidaji obartei gojei duo, thik sedogkie gori ikkie pobitroganottei nijor-nijor onggogani dharmiganottei banidaji ijebe gojei duo. 20 Haron tumi jokkene pabor banidaji ela, dharmigkanottun tumi shadin ela. 21 Ikkie tumi lajottei jinijchanittun hi phol pela sei? Haron sei jinijchanir thuman olode moranagan. 22 Hintu ikkie pabottun sarinei, Itchioro banidaji oinei, pobitro pholan, ar seschan, ononto jibonan pela. 23 Haron pabor bedonan olode moranagan, hintu Itchioro danan olode amar Probu Jisu Kristo iot ononto jibonan.
Kristor Odin,