Niomor
Odin Noi
7
Jigune Nioman hobor pan sigunore mui hongor. Bheilog, jedogkon song baji tha jai sedogkon song Niomano odhiharo tole thei paidie hobor no po? 2 Haron mogkuoi jedogkon song tar negkuo baji thai sedogkon song niomo onusare tar negkuor odhiharo tole thai. Hintu judi tar negkuo mori gele, niomo onusare the tar negkuottun halas oi. 3 Thik sedogkie gori, judi tar negkuo baji thagke the aro ek jonore loi, tare shanda ho jebo. Hintu tar negkuo judi mori jai, the sei niomanottun halas obo. Ar judio the aro ekkuo neg lolegoi tare shanda ho no jebo ar. 4 Bheilog, thik sedogkie gori, tumio Jisu Kristor heyegano darai Niomano nange morsio. Tumi aro ek jonore loi pariba, sibie olode jare morattun jiei tulo oie jene, ami Itchiorore phol di pari. 5 Haron ami heyer doge thagke, niomor onusare pabor lubbogane moranaganor pholan dibartei amar heyet onggoganit ham gorsie. 6 Hintu ami ikkie amare Niomanottun halas gora oie, jiene amare dori elo sien morsie. Senottei, ami nuo Aptadi ham gorana, purona okkiorodi noi.Pabpoi Judduo Gorana
7 Salen ami hi hobong? Nioman pab hobong ni na? Hamakkai noi. Tar bodoli, Niomo darai no odo, mui pabpan no sinilungun. Haron judi Niomane no ho daw, “Tui lubbo no goris.” mui lubbogan hobor no pelungun. 8 Hintu pabpane Ugumanor sujuk peinei, mor iot beg jabotio bojong lubbogani ani die. Haron Nioman sara pabpan mora. 9 Eksomoi Nioman sara mui jeda elung. Hintu ugumani einei, pabpan jeda olo ar mui morilung. 10 Ar Ugumani, jienie jibon dibar elo, mui pelungge sienie moranagan anidie. 11 Haron pabpane Ugumanir sujuk loinei more thogeilogi, ar sieno darai more morei pheleilo. 12 Senottei, Nioman pobitro, ar Ugumanio pobitro, dharmig ar gom. 13 A salen, jien mortei gom siene more morei pelai ni na? Hamakkai noi. Hintu pabpan pab bili mui sinibartei, hubon gom sieno darai pabpane mor iot moranagan ani di die. Senottei, Ugumanir darai pabpan sie bes olo. 14 Haron ami hobor pei Nioman olode aptattei gom. Hintu mor manjior akkol age, pabor nange pabor sidu beja jeie.
15 Haron mui hi gorongor, mui no bujong. Ar mor hi goribar age sien mui no gorong. Hintu jien mui hos no pang sien mui gorong. 16 Salen mor jien no goribar elo sien mui gorong. Nioman gom bili mui ega hora manong. 17 Hintu ikkie ham gorede sibie mui noi, hintu pabpane mor iot agede siene ham gorer. 18 Haron mui hobor pang, mor iot (mor heyeganot) huno gom nei. Haron ischiegan mor loge age, hintu jien gom sien hingori pebo hobor no pang. 19 Haron mui gorimbie gom haman mui no gorong. Hintu bojong ham mui no goribaran mui gorong. 20 Ikkie judi mui jien no goribar sien mui gorong, sien goriebuo mui noi hintu sien obode pabpane jien mor iot thai.
21 Senottei, ikkie mui bujongge ei Niomane mor iot ham gorer. Mui gom ham goribar sele bojongan mor iot thai. 22 Haron bidirie-bidirie mui Itchioro Niomanot hujhi ong. 23 Hintu mor heyet onggot aro ekkan niom degong. Siene mor mono Niomanore uij der jiene mor heyet onggoganire pabor niomanot banidajit pelai. 24 Oh mui hendogkie iet agong! Ei heyegano moranaganottun honna uddhar goribo? 25 Amar Probu Jisu Kristor darai Itchiorbuore mui hujhi hoda hong. Senottei, mor monandoi mui Itchioro Niomo haman gorim, hintu heyegandoi pabor niomo haman gorim.