Mondolit Pharok
Onar Sombonde
3
Bheilog, aptar manuschuno dogkie gori mui tomarloi hoda no hong. Hintu Kristo iot pabi manjior dogkie gori mui tomarloi hoda hong. 2 Mui tomare dud habeiong ar doro bhat no habang. Haron tumi ejosong bhat hei paro para no aw ar hei no pariba. 3 Tumi ejosong pabi manjior dogkie ago hinottei, tomar moiddie ejosong hos pa-pi nei, hoschie herengkal ar pharok ona age. Senottei tumi pabi manjior dogkie noi ni? 4 Haron ek jone hoi, “Mui Paula dolor manus, ” ar ek jone hoi, “Mui Apollo dolor manus.” Tumi jokke sengiri ho, tumi pabi manjior dogkie noi ni?5 Honna Paula? Honna Apollo? Ami olongge Probuie jon bagene thik gorsiede doge bana sagorsie ar amar darai tumi bischias gorsio. 6 Mui lageiong ar Apolloi pani die. Hintu Itchiore na saragun dangor gori di die. 7 Senottei, lageiebuo ar panidiebuo hitchu noi. Hintu saragun dangor gori dede Itchiorbuo dorkari. 8 Lageiebuor haman ar panidiebuor haman ekkan. Nijor hamo onusare jon bagene poriskari pebak.
9 Haron ami olongge Itchiorloi eksomare ham gorie. Tumi olade Itchioro jhuman ar ghoran. 10 Itchiore more doye gorsiede doge ek jon gyeni ghor tullie dogkie gori mui tolagan baneong. Oinnio ek jone ieno ugure tullie. Hintu hingori ieno ugure banebo jon bagene uijkar uo poribo.
11 Haron honatto baneie tolagano bade huno jone aro ekkan oinnio tola banei no paribak. Sei tolagan olode Jisu Kristo. 12 Ek jone judi sei tolagano ugure sonaloi, rubuoloi, mongga silloi, gajchoi, bah, herloi banai, 13 jon bagene tharar haman henjannie dega jebo. Haron Dinnuoi janei dibo. Agundoi ienore porikkie sa obo hinottei, ien henjannie ham bili agunone prottiek jonor hamani porikkie goribuo. 14 Jar ieno ugure gorsiede haman tigi thai the poriskari pebo. 15 Jar haman puri jai, tar gunohar poribo. Hintu agunottun baschiede dogkie gori the nije rokkie pebo. 16 Tumi olade Itchioro mondir ar Itchioro Aptabuo tomar bidirie thaidie tumi hobor po ni? 17 Huno jone judi Itchioro mondirbuo nas gore, Itchiore tare nas goribuo. Haron Itchioro mondirbuo olode pobitro. Ar tumi olade sei mondirbuo.
18 Nijore-nije no thokko. Tomar moiddie je ei jugot gyeni holai, the gyeni oi para the bhul ok. 19 Haron ei songsaro gyenan olode Itchioro sidu bhulan. Sastroie hoi:
“Gyenigunore tharar nijor salagkanot the hi gore mui hobor peim.”
20 Aro Sastroie hoi,
“Ononto PROBUIE gyenigunor torgogani hobor pai, jei sieni hitchu noi.”