Kristor Apostolun
4
Senottei, manjie amare Kristor sagorsie ar Itchioror oghur gubonan rakkoli mone gortok. 2 Sei bara, rakkolibuo hamakkai bischias-joggio uo poribo. 3 Tumi judi more porikkie goro, bah, manjior Kodot judi more porikkie goron ien mortei ekkan shadoron hoda. Jodepode more mui porikkie no gorong. 4 Haron mor biruddie mui hitchu hobor no pang. Hintu siendoi mui dharmig ombe sien noi. More porikkiegoriebuo olode Probu. 5 Senottei, Probuie no eje song akke dhori hitchu bijier no gorsio. Andharo jinij manjie lugei thonde sieni ar manjior ontoro hodaganio the bhar gori dibogi. Sebeden Itchiore jon bagene baini goribogi. 6 Bheilog, ikkie sei hodagani more ar Apollore bhor dinei tomare holung, jene tumi amattun shigo ar Sastroie hoidie bara tumi no bhabo. Sebeden tumi ek jono biruddie ek jone phodanio no aw para. 7 Haron honna tore manjiortun parok gore? Ar tor no peie hi age? Jokke peios, no paschie dogkie a hittei bar goros?8 Tomar honatto alajhala oie. Honatto thagoie oio. Ami sara tumi raja dogkie gori sason gorsio. Mui mone gorong tumi hamakkai sason goriba ar amio tomar loge sason goribong. 9 Haron mui mone gorong Itchiore ami, apostolunore morei pheleibar ses hadallie degebo. Manjie amare sebak. Songsaro manjie ar sorgo-dude sebar obong. 10 Kristortei ami bhul, hintu Kristo iot tumi gyeni. Ami durbol, hintu tumi boli. Ar manjie tomare sorman goron, hintu thara amare aw-pela goron. 11 Ikkie song ami ped porai ar pani saje agi. Habor-subor pora peir. Manjie amare maron ar ami ghor neie gori agi. 12 Amar adtaniloi ham gorinei hameir. Amare aw-hoda hole, ami tharare bor di. Hosto lagele thori thei. 13 Amare sorjeile soijjio gori thei. Songsaro pela jeieni ami oiei. Edchie song bego aw-pelani oiei.
14 Tomare laj nejeibartei mui no legongor. Mor agojor puo ijebe mui tomare uij duongotte. 15 Haron judio dos azar Kristo iot tomar sigkie die thei paron, tobuio, tomar bes bab nei. Haron gom hoborano darai Kristo iot mui tomare jormo duong. 16 Senottei, tumi mor leik adeibartei mui tomare ujuluongor. 17 Sienottei, mor agojor puobuo, Probu iot bischias-joggiobuo Timothire mui tomar idu dipadeong. Jisu Kristo iot mui hingori roiong The tomare monot tuli dibogi. Jagai jagai prottiek mondolit mui jengori roiong mui sengori sigeiong.
18 Mui tomar idu no eim bili, tomartun hoiek jone phodani oio. 19 Probur ischie thele, mui jhadi eim. Sebeden phodani oionde sigunor bana tharar hodagani noi, tharar hemodaganio hobor peimbi. 20 Haron Itchioro rejjiogan hodadi noi, hintu hemodadi. 21 Tumi hi sawh? Bari dhorinei edung nahi, hospanagandoi ar nombro gori edung?