Aw-shottunore Nigilei Dena
5
Ajole, hobor pa oiede tomar moiddie aw-shot sineli ham soler. Ar esannie aw-shot sineli ham ek jone tar shadanga mabuore lona, Be-jadtuno moiddieo nang no oi. 2 Tomar monot dug obar lakkanot tumi phodani goror! Sei haman gorsiede manuschuore tomar moiddiettun tumi bar gori dena osit elo. 3 Haron mui heyedi no theleio aptadi agong. Mui elungge dogkie gori, sien gorsiede manuschuore mui honatto duji baneong. 4 Probu Jisur nange jokke tumi thubo, mui tomar loge aptadi thang ar amar Probu Jisur hemodagan thai. 5 Tar heyegan nosto obartei tare Soitano adot gojei duo, jene Probu Jisur Dinnuot tar aptabuo mukti oi para.6 Bar goranagan gom noi. Tumi hobor no po, goda bhattun ekkena moli-gurie joraidie? 7 Senottei, puron molibuo phelei duo tumi nuo bhat aw para, jokke tumi moli-guri a gullie. Haron Kristo olode Rokkie Utchobo bera-shagolo shawhbuo amattei dali die oie sibie. 8 Senottei, utchobpan palei, puron moliloi noi, hinsie ar dujto moliloi noi. Hintu soittio ar jodepode moli a gullie pidieloi palei.
9 Aw-shot sineli ham goronde manuschundoi song no poribartei mui tomare ekkan sidit legkuong. 10 Songsaro sineli ham gorie manuschuno hoda mui no hong. Lubbo, bol-bola gorie manus ar mokti pujieguno hoda mui no hong. Siennie judi ole, tomar songsaran sari ja poribo. 11 Tumi bhei hode sibier sombonde mui legongor. The judi sineli ham gorie oi, lubbo, mokti pujie, manus hinsie gorie, mattollie ar bol-bola gorie manus oi, tarloi song no porsio ar haba-daba no gorsio. 12 Haron, hittei mui barendi manuschunore bijier gortung? Bidire manus noi ni tumi bijier gorana? 13 Hintu barendi manuschunore Itchiore bijier goribuo. Senottei, “Aw-shot manuschun tomar moiddiettun bar gori duo.”