Bischiasiguno Moiddie Mogoddima
6
Tomartun ek jonor judi ek jono biruddie jagulug thai, bijierottei the sadhu manuschuno sidu no jeinei be-dhormi manuschuno sidu jebar sahoj goribuo ni? 2 Sadhu manuschune songsaro manuschunore bijier goribakke tumi hobor po ne no po? Ar tumi judi songsaro manuschunore bijier goro, shadaron hoda tumi bijier gori paribar joggio noi ni? 3 Sorgo-dudtunoreio bijier gori dibongge tumi hobor no po? Ei jibonano sombonde bijier goribar amar hodog thedo ar? 4 Ei jibonano sombonde judi bijier thele, salen mondolie bes sorman no gorede sigunore bijier goribartei tumi thik goriba parapang? 5 Tumi lajo para ien mui hongor. Bheior bheior bijieran gori dibartei tomar moiddie ek jono gyeni manus nei ni na? 6 Hintu ek bheior biruddie bijierot jana, ar sieno bischias no goronde siguno sidu! 7 Senottei ikkie ek jono biruddie mogoddimat jana honatto hoti oie. Sienor ajai tumi hittei nije be-ainigan mani no lo? A hittei tumi nijore thogebartei manjiore no duo? 8 Sei bodoli, tumi bojong goro ar thogo. Ar tomar bheiunoreio esannie goro.9 Be-dhormi manuschune Itch-ioro rejjiogan no pebakke tumi hobor no po? Thoga no heio. Sineli hamgoriegune, mokti pujiegune, shanda gorie morodtune ar shanda gorie miliegune, ar morode-morode bah miliei-miliei jur jande sigune Itchioro rejjiogan no pebak. 10 Surune, lubbogune, Mattolliegune, moromaragune, ar bol-bola goriegune Itchioro rejjiogan odhihari no obak. 11 Tumio hoiek jon siennie ela. Hintu Itchiore Probu Jisur nange ar amar Itchioro Aptabuo darai tomare dhoinei, pobitro gorinei, dharmig gori thoie.
Aw-shot Sineli Ham
12 Mui goribartei begkani hulo age, hintu, begkani mortei lab no oi. Mui goribartei begkani hulo age, hintu mor ugure odhihar thebartei mui hitchu onumoti didung noi. 13 Bhattun olakke pedtuottei ar pedtuo olode bhattunottei. Hintu Itchiore duogan ses gori dibo. Heyegan aw-shot sineli ham goribartei noi, hintu Probuttei ar Probu olode heyeganottei. 14 Itchiore Probure jiei tullie ar the amareio tar hemoda darai jiei tulibo. 15 Tomar heyegani Kristor onggo hobor no po? Kristor onggogani beschie milier onggo banei dim ni? Hamakkai noi. 16 Je nije beschie milieloi ek oi, tarloi ek heye oidie hobor no po? Haron Itchiore hoi, “Di jone ek heye obak.” 17 Hintu je Probu loi ek oie tarloi ekkuo apta olo. 18 Aw-shot sineli hamortun dhei jo. Ek jone jei pab gorto sat sien heyet barendi. Hintu je aw-shot sineli ham gore sien tar nijor heyegano biruddie obo.