Lo-li Onar Sombonde
7
Tumi more legkuode sombonde hong: Morode miliere no shuona gom. 2 Tobuio, aw-shot sineli hamo pokke, prottiek morodor nijor mogor prottiek milier nijor neg thana osit. 3 Negkuoi tar mogkuore mon purei dena osit. Sedogkie gori mogkuoio tar negkuore mon purei dena osit. 4 Mogkuor tar nijor heyegano ugure odhihar nei. Tar negkuor, tar mogkuor heyegano ugure odhihar age. Thik sedogkie gori, negkuor tar nijor heyegano ugure odhihar nei. Tar mogkuor, tar negkuor heyegano ugure odhihar age. 5 Ubos theinei bor magibartei ole, hanekkon pharok gori thebartei duo jone judi mano, salen bad duo. Anole, mon purei die dien bad no duo. Nijore-nije domon gori no paro hinottei, soitane porikkie no sai para aro egottor gori thagkuo. 6 Mui holungge ien onumoti, Itchioro ugum noi. 7 Mor mone hoidie beg manuschune mor dogkie gori thedak. Hintu prottiek jone Itchiorottun ekdogkie bor no pan. Ek jonor ekdogkie aro oinnio jonor ekdogkie bor peion.8 Neg-mog no londe sigunore ar rani-miliegunore mui hongor, thara mor dogkie gori thei parilie gom obo. 9 Hintu thara judi lub shamelei no paron, sale lodok. Haron angibode darane lonagan bhala.
10 Lo-li oiegunore mui ei uguman duongor, hintu mui noi, ien olode Probur hoda: mogkuoi nije tar negkuottun pharok no ok. 11 The judi pharok oleio, the neg no lokkoi ar no ole tar negkuoloi aro egottor okkoi. Negkuoi tar mogkuore sari no duok.
12 Bagigunore mui hongor: Ei hodagan mortun, Probuttun noi. Ek bheior judi aw-bischiasi mog thai, ar the tarloi hele, the tare hamakkai sari no duok. 13 Ar ekkuo miliettun judi aw-bischiasi neg thele, the judi tarloi hebar mon thai, the tare sari no duok. 14 Haron mogkuor darai Aw-bischiasi negkuo pobitro obo, ar negkuor darai Aw-bischiasi mogkuo pobitro obo. Siennie no ole, tomar puo shabagun aw-poriskar obak, hintu ikkie thara pobitro olak.
15 Aw-bischiasibuoi judi the nije share, sale sharok. Sei lokkene, bheibuo ok bonnuo ok the bondhi oi thedo noi. Hintu Itchiore amare shantittei dakkie. 16 Haron, oh mogkuo, tui hi hoi paros, tor negkuore tui mukti gori paros daw! Oh negkuo, hoi hi paros, tor mogkuore tui mukti gori paros daw!
17 Hintu Itchiore daginei prottiek jonore jon bagene dede doge thagodok. Sien olode mui beg mondoligunot duongge uguman. 18 Sundu-sam happie manus Itchiore dakkie ni? Siennie judi ole, the no habede dogkie no ok. Sundu-sam no happie manus Itchiore dakkie ni? Siennie judi ole, the sundu-sam no habok. 19 Sundu-sam habok bah no habok sien hitchu noi. Itchioro ugumani manana sien dorkar de. 20 Itchiore jare jedogkie gori dakkie the sedogkie gori thok. 21 Banidaji oi thagke Itchiore tore dakkie ni? Sidie no goris. Hintu tui judi shadin oi paros, shadin aw. 22 Haron banidaji oi thagke Probu iot daga ole, the Probur shadin manus. Thik sedogkie gori shadin oi thagke daga ole, the Kristor banidaji. 23 Itchiore tomare dam dinei hinnie. Manjior banidaji no oio. 24 Bheilog, Itchiore jare jedogkie gori dakkie the sedogkie gori thok.
25 Shodi gabur-milieguno sombonde, Probuie more hitchu ugum no de. Tobuio, mui bischias-joggio obartei Probuttun doye peiong hinottei, ekkan hoda hong. 26 Ikkie hosto ani seinei, mui mone gorong tumi agode sei doge thele gom obo. 27 Mog loio ni na? Lole sari no duo. Mog no lo ni na? Mog no togeio. 28 Hintu tui mog loi theleio tor pab no oi. Hintu low-li oiegunor heyet hosto obo ar mui tomare bajeidung sang.
29 Bheilog, mui ien hong, somoi thum oi ejer. Ikkiettun dhori mogbolagune mog neidie dogkie uo poribo. 30 Hanonde sigune no hanonde dogkie uo poribo. Hujhi oiegune hujhi no onde dogkie uo poribo. Jar age the neidie dogkie uo poribo. 31 Je ei songsaro jinij hamot lagai, the bes no larette dogkie uo poribo. Haron ei songsaro jinijchani udi jarloi.
32 Mui sangge tumi sidie no gorta. Neg-mog no loiegune hingori Probure thara hujhi goribak, Probur haman sidie goribak. 33 Hintu mog loiegune hingori mogkuore thara hujhi goribak, songsaro sidie goron. 34 Mog ar shodi gabur-milie olakke judo. Neg no loie miliei tar heyedi ar aptadi pobitro obartei Probur haman sidie goron. Hintu neg loie miliei hingori the tar negkuore hujhi goribuo songsaro sidie goron. 35 Tomar labottei sien mui hongor, tomare phalot bajeibartei noi. Hintu jien osit sien mui hongor, jene Probure tumi ega mone sebona goro para.
36 Ek jone judi mone gore the thik gorsiede shodi gabur-miliebuoloi tar sal-solonan gom no awr, ar gaburir judi boios bes oi, ar the tare lona osit bili bhabilie tar mone moton gorog. Thara lo-li ona osit ar siot pab odo noi. 37 Hintu ek jone tar monot shokto dharona gore jei mog lona dorkar nei ar tar nijor ischiegan domon gori pare, ar siennie gori thai sien bes gom. 38 Senottei, je neg lo bajeide sien gom ar je neg lo bajei no de sittun bes gom.