Moktire Gojeie Jinij
8
Ikkie moktire gojeie jinijor sombonde mui legongor. Amar begkunor gyen agede ami hobor pei. Gyene phodani barai, hintu hospanagane gorei tule. 2 Je begkani hobor pai bili mone gore, the jedogkie gori hobor pana osit sedogkie gori ejo hobor no pai. 3 Hintu je Itchior hos pai, tare Itchiore hobor pai.4 Senottei, moktire gojeie jinij hebar sombonde legongor. Ami hobor pei songsarot mokti hitchu noi, ar ekkuo Itchior bade oinnio Itchior nei. 5 Judio sorgot ar pittimit onek Itchior ar probu agon hon, (jodepode onek Itchior ar probu agon). 6 Hintu amattei ekkuo gori Bab Itchior age. Beg jinijchani tartun ejchie ar ami olongge tar. Ar amattei ek jon gori Probu Jisu Kristo age ar beg jinijchani tar darai ejchie ar ami tar darai baji agi.
7 Sei gyenan begkunor nei. Hintu hoiek jone mokti putchuon hinottei, thara hele, ejo tharattei moktire gojeie era bili mone goron. Tharar idie ittan norom hinottei, thara hele tharar idie ittandoi mon hajor oi. 8 Haidie jinije amare Itchioro hai no nejai. Haron heleio lab nei ar no heleio horab odo noi.
9 Hintu seio, tomar odhiharan bischias shokto noi die sigunor adikkie ujuot haana obo. 10 Senottei tor daw gyen age. Hintu mokti mondirot tui hebartei bojilegoi ar norom idie-it bolai ek jone tore degilie, moktire gojeie jinij hebar tar sahoj ebo ni? 11 Ar tor gyenanottei, Kristo jadtei morsie sei idie-it norom bheibuoi nas obo. 12 Jokke engori sei bheibuo biruddie tui pab goribe, ar tharar norom idie ittan aghat gori dibe, Kristo biruddie tor pab obo. 13 Senottei, judi hadie jinije sei bheibuore azar habai, mui tare azar no habang para huno din dali die era hedung noi.