Ek Jon Apostolor Odhihar
9
mui apostol noi ni? mui shadin noi ni? Amar Probu Jisu Kristore mui no degong ni na? Probu iot tumi mor haman noi ni? 2 Oinnio manjiortei mui apostol no oleio, mui tomartei daw oi. Haron tumi olade mor apostolo hamanot Probu iot marga.3 More porikkie goronde siguno sidu ien mor jobabpan: 4 Amar haba-daba goribar odhihar nei ni? 5 Oinnio jon apostoluno dogkie, Probur bheiuno dogkie ar Kepha dogkie bischiasi mog pune-pune nejeibartei odhihar nei ni? 6 Nahi, bana Barnabaloi mui bajibartei amar ham gora porede?
7 Ek jon soinnioi nijor horojchoi judduo gore ni na? Ek jone anggur bagan tulilie siottun anggur no hebo ni na? Ek jon bera-shagol soreiei tar bera-shagolunottun dut no hebo ni na? 8 Manjior ijebe mui hongor ni na, nahi niomaneio sien no hoi ni? 9 Haron Niomanot Mosi legkie, “Sela-goru dhan marte mu bani no duo.” Ien Itchiore sela-gorubuor sombonde hoie ni na? 10 Hamakkai ien The amattei horte noi ni? Ien amattei lega oiede, haron alsueiebuoi tar alsuanaganottun bhag pebar asha thana osit ar dhan mariebuoi the dhan marette siottun bhag pebar asha thana osit. 11 Ami judi aptar jinij tomar moiddie shidi di thei, tomartun judi ami jinij diei, dangor hoda obo ni na? 12 Oinnio jonor judi tomar ugure ei odhiharan thai, amio aro bes no pebong ni na? Ami ei odhiharan hamot no lageinei hintu begkani suei agidie jene, Kristor gom hoboran badha no pore para. 13 Tumi hobor no po, jigune pobitro jinijor belai ham goron, mondirottun haan ar jigune pallienganot ham goron, palliengano jinij bhag pande noi ni? 14 Thik sedogkie gori Probuie ugum dede, jigune gom hoboran prosar goron, gom hoboranottun hebar pan para.
15 Hintu mui sei odhiharani hamot no lagang. Ar sieni tumi more gori dibarteio mui tomare no legong. Haron huno jone mui bahadori gorimbie sien hari nibakke darane mor mori janagan bhala. 16 Gom hoboran prosar gorilie mui bar gori no parong. Haron gom hoboran mor prosar gora poribo. Gom hoboran mui judi prosar no gorong, mor hobal purok! 17 Mui judi mone hoinei sien gorong poriskari peim. Ar judi mui mone no hoie gori gorong, salen bana mor daettogan palangotte sie. 18 Salen mor poriskarigan hi? Bana ien: Gom hoboran magana mui prosar gortung ar prosar gorte mor odhiharani hamot no lageidung.
19 Haron mui begkunottun shadin oleio, more mui begkunor banidaji baneongge jene onek jon mui jidi parong para. 20 Judai manuschun jidibartei, Judai manuschuno sidNioman palande sigunore jidibartei, siguno sidu mui Niom paleie dogkie oiong. 21 Niom sara manuschunore jidibartei, siguno sidu mui niom sara manuschuno dogkie oiong. Itchioro mujungot mui niom sara manus noi, hintu Kristor mujungot mui niom paleie. 22 Bolneiegun jidibartei, sigunor sidu mui bolneieguno dogkie oiong. Begkunottei mui begkani oiong, je huno prokare hoiek jon jene mukti gori parong. 23 Mui sieni begkani gorongge gom hoboranottei jene mui tomar somare bhag pang.
24 Tumi hobor po ni, dumuro dumurit thara begkune dumurilie hintu bana ek jone gori poriskari paidie? Poriskari hamakkai po para dumuro. 25 Je harat jidiejittie sai, the begkanit nijore-nije domonot ragai. Thara daw hoi jaidie poriskari tuk pebartei jidiejittie san, hintu ami daw hoi no jaidie poriskari tuk pebartei gori. 26 Senottei, uddischuo sara gori mui no dumurong. Boieran bugkotte dogkie gori mui mara mari no gorong. 27 Hintu mui mor heyeganore shokto gorinei domonot ragang, jene mui manjior sidu prosar gorilie mui nije aw-joggio no ong para.