Israelo Itihasottun Shigana
10
Bheilogu mui thara dogkie oiong., amar buro-burigun begkune megsagkano tole elak ar thara sagor phuri jeionde sombonde tumi hobor no po bili mui mone no gorong. 2 Thara begkune megsagot ar sagorot adi jeinei Mosir baptismagan loion. 3 Thara begkune ekkui aptar bhat heion. 4 Ar thara begkune ekkui aptar pani heion. Haron tharar pune-pune jeiede sei Aptar Silluottun pani heion, ar sei silluo olode Kristo. 5 Hintu thara begbhage Itchiorore hujhi gori no paron hinottei, tharare moruobomit morei pela oie.
6 Bojong jinij tharar porane magkiede dogkie, amaro porane no mage para sieni amattei udahoron oie. 7 Tharattun hoiek jone mokti pujie elak. Ami tharar dogkie gori mokti pujie no ona. Haron Sastroie hoi,
“Manuschune hebartei bojchuon ar hela ronggo goribartei thieilak.”
8 Tharattun hoiek jone shanda gorsion ar thara dogkie ami shanda no gorana. Ar ekkuo dine teiz azar manus tharattun porinei mori jeion. 9 Tharattun hoiek jone Kristore porikkie gorsionde dogkie, amio Kristore porikkie no sana ar sigun sabe hudinei morsion. 10 Ar thara dogkie no budbudeio. Nasgoriebuoi tharare nas gorsie. 11 Sieni begkani tharar ghodi jeiede amar udahoronottei. Sei beg legani olode amare uij dibartei udahoron. Amar iot jug ses obartei ejchie. 12 Senottei, je the thieie bili mone gore, the no pore para uij ragog. 13 Manjiortei shadoron porikkie bara tomar idu oinnio porikkie no eje. Hintu Itchiorbuo bischias-joggio. Tumi thori no paribade porikkie the sedo noi. Hintu tumi thori paro para porikkiegan sari jebartei the pod ragei dibo.
Mokti Pujottun Durot Thana
14 Oh mor agojorun, tumi nije moktire pujo goranattun durot thagkuo. 15 Bujuno manjiore hongor. Mui hi hongor bhabi sawh. 16 Asirbado golojchuo ami asirbad goridie sibie Kristor logandoi egottor oidie sien noi ni? Ami hotta di die pidiegan Kristor heyegandoi egottor oidie sien noi ni? 17 Ekkan pidiettun ami begkune hei hinottei, ami judio jhagkuo, hintu ami olongge ekkan pidie ar ekkan heye.
18 Munischioro ghorbuo ijebe Israel manuschunore bhabi sawh. Pallienganot gojeie jinij haande sigun palliengano bhag peie on ni no on? 19 Sale mui hi hongor? Moktibuo huno ekkan hemoda-bola jinij oi, nahi moktigunore gojeieni huno ekkan hemoda-bola jinij oi ni? 20 Mui hongorte ien olode, Be-jadtune jien gojan sien bhudtuno sidu gojan, Itchioro sidu no gojan. Mui sangge tumi bhudtundoi song pora-pori no oda. 21 Probur golojchuottun ar bhudtuno golojchuottun hei no pariba. Probur bhat poibuottun ar bhudtuno bhat poibuottuno hei no pariba. 22 Probure pijhum gora bajei dibong ni na? Nahi, ami tartun bes boli?
Bischiasigunor Shadinan
23 Mortei begkani goribar hulo age, hintu begkani goribar mor lab nei. Mortei begkani goribar hulo age, hintu begkani gorei no tullie. 24 Huno jone nijor labpan no togeinei, oinnio jonor labpan togadok. 25 Tomar idie-ittanittei hitchu pujor no gorsie gori era bazarot ja bejon heio. 26 Haron, “Pittimigan ar pittimit jieni age begkani PROBUR.”
27 Aw-bischiasi manjiortun judi ek jone tomare haanat bolai, ar tumi jebar mone hole, tomar idie-ittanittei hitchu pujor no gorsie gori jien duon sien heio. 28 Hintu ek jone judi hoi, “Ien moktire gojeie.” Ei hodagan hobode manuschunottei ar tar idie-ittanottei no heio. Haron, “Pittimigan ar pittimit jieni age begkani PROBUR.” 29 Mui hongorte “Idie-ittan” tomar noi, hintu manjior idie-ittanottei. Haron mor shadinan hittei ek jonor idie-ittandoi bijier gorto? 30 Mui judi hujhi hoda hoinei haang, mui hujhi hoda hoiongge bhattunottei a hittei more sorjana?
31 Senottei, tumi jien heda sat, ar jien gorta sat Itchiorore baini goron para goro. 32 Judai manuschunore ok, Grik manus-chunore ok, Itchioro mondolire ok, ujuot no habeio. 33 Thik sedogkie gori, je huno iet mui begkunore hujhi gorongge dogkie gori tumio goro. Mui nijor labpan no seinei onek jonor labpan sang, jene thara mukti pan para.