11
Kristor leik mui adangge dogkie gori tumio mor leik adeio.Gome Tobona Gorana
2 Bheilog, je huno iet tumi more monot rago hinottei ar mui tomare duongge ago sigkiegani dori ago hinottei mui tomare baini gorongor.
3 Mui sangge tumi ei hodagani hobor peda: Prottiek jonor siriebuo olode Kristo. Morodtuo olode miliebuor sirie. Ar Kristo siriebuo olode Itchiorbuo. 4 Jei morodtuoi tar siriebuo daginei bor mage bah muni dogkie gori hoda hoi, the tar siriebuore aw-sorman gore. 5 Hintu jei miliebuoi tar siriebuo ghongoda no die gori bor mage bah muni dogkie gori hoda hoi, the tar siriebuo aw-sorman gore. The tar siriebuo mureileio ekkui hoda obo. 6 Haron judi ekkuo miliei tar siriebuo ghongoda no de, the tar siriebuo murok. Hintu miliei judi sul habon bah sirie muron, lajo hoda oi. Senottei, sirie ghongoda dena osit. 7 Morodtuo olode Itchioro subhibuo ar oborugkan hinottei the hamakkai sirie no dagana osit. Hintu miliebuo olode morodtuor oborugkan. 8 Haronan olode, morodtuo miliebuottun noi, hintu miliebuo morodtuottun. 9 Itchiore, morodtuo miliebuottei no banai, hintu miliebuo morod-tuottei banedie. 10 Senottei sorgo-dudtunottei, miliegunor siriet ekkan odhiharo sinno thana osit.
11 Tobuio Probu iot, miliebuo morodtuottun pharok noi ar morodtuoio miliebuottun pharok noi. 12 Haron miliebuo morodtuottun ar sedogkie gori, morodtuoio miliebuor darai nigillie, hintu begkani Itchiorottun. 13 Tumi nije tomar moiddie bhabi sawh, miliei sirie ghongoda no die gori Itchiorottun bor magana osit ni na? 14 Ei badeio bujo jai, morode judi sul lamba rageile, sien tartei aw-sorman oidie noi ni? 15 Hintu miliei judi sul lamba ragan, sien tharar oborugkan. Haron siriebuo dagibartei Itchiore tharare lamba sul die. 16 Judi huno jone ieno sombonde bhejal tulibar sele, sale, amattun ar Itchioro mondoligunottun oinnio dostur nei.
Probur Bellie Haanabuo
17 Hintu mui tomare ei sigkieni dede baini no gorong. Haron tumi jokke eksomare thubo, gomortei noi hintu bojonggottei. 18 Haron bego akke jokke tumi mondoli ijebe thubo, mui sunongge tomar moiddie bhag bhag ago, ar ekka ekka mui bischias jang. 19 Haron tomar moiddie thik gora oiegun hobor pa jai para, tomar moiddie bhul sigkie dieio thana dorkar. 20 Hebartei tumi ekkan jagat thubeile, Probur bellie haanabuo hebartei no thubo. 21 Haron hade, ek jonottun akke ek jone tar nijor bellie haanabuo hai. Ek jone ped pora hei hei thagode ar ek jone mattol oi tangore. 22 Hi? Haba-daba goribar tomar ghor nei ni na? Itchioro mondolibuore aw-pela goror ni ar neidie sigunore lajot pheleibartei sorte noi ni? mui tomare hi hom? ienottei mui tomare baini gorim ni? mui tomare baini gortung noi.
23 Haron Probuttun mui jien peiong, sien mui tomare duongge jei Juda Iskariode tare dhora bajei dede reidtuot, Probu Jisu pidiegan adot lolo. 24 Hujhi hoda honar porendi, the pidiegan hotta gorinei holo, “Ien mor heyegan mui tomartei hotta duongor. Loinei ho. More monot rageibartei ien gorsio.” 25 Sedogkie gori bellie saschuo haanar porendi, the golojchuoio adot loinei holo, “Ei golojchuo olode mor loganot nuo nioman. More monot rageibartei ien tumi onsur ho bagene gorsio.” 26 Ei pidiegan ho bagene ar ei golojchuottun ho bagene Probur meyegan The eje song prosar gorsio.
27 Senottei, aw-joggio gori Probur ei pidiegan ar ei golo-jchuottun je hai, the Probur heyeganot ar loganot dujot puribo. 28 Hintu nijore-nije porikkie gorinei ar sengori pidiegan ar golojchuottun heio. 29 Haron je Probur pidiegan ar golojchuottun aw-joggio gori hai, the nije dujot poribartei hai. The Probur heyegano sombonde gome-dalei gom bannie hobor no pai. 30 Senottei tomar moiddie onek jon durbol ar aw-sugkie agon, ar onek jon ghum jadon. 31 Hintu ami nijore-nije bijier gorilie, Itchiore amare bijier no goribuo. 32 Hintu jokke Probuie amare bijier gore, sokkene the amare uijhiar gore, jene songsaro manuschuno somare dujot no pori.