Nijor Salam
16
Kenkheria dongsara manuschunoremondolibuor sagorsie amar bon Phoebire mui tomar idu mor monot porsiebuo bili janei duongor. 2 Tare sadhu manjior dogkie gori Probur nange gojhi loio. Tar hamot jei tomartun tar jien lage sien tare bol duo. Haron the onek jonore boldie elo ar the nije moreio bol die.
3 Jisu Kristo iot mor hamot phagot sommie, Priskillare ar Akuilare salam janeio. 4 More bipodottun sharebartei tharar gortonagun gojei duon. Tharare hujhi hoda hoie bana mui noi, beg Be-jadtuno mondoliguneio tharare hujhi hoda hon.
5 Thik sedogkie gori, tharar ghoro mondoligunoreio salam janeio. Akaia dejot Kristor polim pholluo oiede, mor agojor Epanetare salam janeio. 6 Amattei onek ham gorsiede Merire salam janeio. 7 Andronikare ar Juniare salam janeio. Thara olakke mor sodorsie ar eksomare jiel-hadie. Thara apostoluno dogkie dorkari manus. Mor agendi thara Kristo iot elak.
8 Probu iot mor agojor Ampiliare salam janeio. 9 Kristo iot amar hamot phagot sommie Ubanure, ar mor agojor Stakure salam janeio. 10 Kristo iot monot porsie Apellese ar Aristobular ghorbogunore salam janeio. 11 Mor sodorsie, Herodienore salam janeio. Probu iot agonde Narkasir ghorbogunoreo salam janeio.
12 Probu iot hadoni gorsionde Trypenare ar Tryphosare salam janeio. Probu iot onek hadoni gorsiede agojor Persisoreio salam janeio. 13 Probu iot basoni oie Rufore salam janeio. Tar mabuore, jibe moro ma oi, sibiereo salam janeio. 14 Asynkriture, Phlegonare, Hermesore, Patrobore, Harmasore, ar tharar loge agonde bheilogkunoreo salam janeio.
15 Philologore, Juliare, Neresure ar tar bonnuore salam janeio. Olymphare, ar tar loge agonde beg sadhu manuschunoreio salam janeio.
16 Pobitro sumon dinei salam jana-jani gorsio. Kristor beg mondoligune tomare salam janadon.
17 Bheilog, ikkie mui tomare uij duongor, tumi sigkiode sieni biruddie pharok gorande ar azar habande siguno pokke uijkare thagkuo ar tharattun pharok oio. 18 Haron edogkie goronde sigune amar Probu Jisu Kristore sebona no goron, hintu tharar pedtun sebona goron. Shadoron manuschunor monani thara midie-midie ar suot-suot hodaloi bhulon. 19 Haron tumi hoda manode sien begkune hobor pan. Senottei mui tomar pokke hujhi oiong. Hintu mui sangge tumi gom pokke gyeni oda, ar bojong pokke aw-gyeni oda. 20 Sebeden shanti dede Itchiorbuoi Soitannuore jhadi gori tomar thengot tole dolibo. Amar Probu Jisu Kristor doyegan tomar ugure thok. Amen.
21 Mor hamot phagot sommie-buoi Timothi, ar mor sodorsie Lucia, Jasone, ar Sosipatore tomare salam janadon.
22 Mui, Tertia, ei sidigan legkuongge sibiei Probur nange salam janangor.
23 Mor ar goda mondolibuor boleiebuoi, Gaiuse, tomare salam janar. Sohoro sompotti rakkolibuoi, Erastase, tomare salam janar. Amar bhei Quartuseio tomare salam janar. 24 Amar Probu Jisu Kristor doyegan tomar begkuno ugure thok. Amen.
25 Mor gom hoborano darai ar Jisu Kristor prosaro darai Itchiorbuoi tomare shokto goribar hemoda age. Sei prosaran songsar sristi no ode siottun dhori oghur gubone rageie ar ikkie sien prosar gori dilo. 26 Hintu Ononto Itchiorbuor ugumo onusare, munigune legkuonde sienir darai manjie sei oghur gubonan buji paron para phogodang gori die, jene bischiaso darai beg jadtune tar hoda manon. 27 Ek Mattro gyeni Itchiorbuor Jisu Kristo darai umore-umor song mohima ok. Amen.