15
Ami bischiasot shoktogune ami nije-nije hujhi no oinei, bischiasot no romunor bharan lona osit. 2 Gorei tulibartei, prottiek jone paralliegunottei tar paralliebuore hujhi gorog. 3 Haron Kristoio nijore-nije hujhi no gore. Hintu Sastrot lega agede doge gorsie, “Tomare bodnam tangi duonde sigunor bodnaman mor ugure porsiegi.” 4 Haron jien agendi lega oie sien lega oiede ami shigibartei. Jene dhorjio dori thenei ar Sastroganot lega agede shantonagane amare asha de para.5 Jisu Kristo onusare dhorjio ar shantona dede Itchiorbuoi tumi ek jone oinnio jonottei ekkui monan duok. 6 Tumi jene ek mon ar ekkan muendi Itchiorbuore, jibe ar amar Probu Jisu Kristor Bab mohima gori paro para.
7 Senottei, Kristo amare gojhi loiede dogkie gori Itchioro mohima obartei tumio gojhi lo-li goro. 8 Mui tomare hongor, purbo-puruschundoi gorsie soittiogan purei dibartei Itchioro soittioganottei Jisu Kristo sundu-sam happiegunottei sagorsie oie. 9 Sastrot lega agede doge Be-jadtune Itchiorore tar doyeganottei baini goron para. Edogkie gori lega age,
“Ei senottei mui tomare Be-jadtuno sidu shakki dim, ar tor nange gid geim.”
10 Aro oinnio bhagot the hoie,
“Oh Be-jadtun, tar manuschuno loge hujhi oio.”
11 Aro oinnio bhagot lega age,
“Oh beg Be-jadtun, Probure baini goro. Begkun manuschune joi dhuni duo.”
12 Isaiai aro hoie,
“Jesitun ekkan singor thebo. Sien udinei Be-jadtuno ugure sason-goribuo. Be-jadtunor tar iot asha thebo.”
13 Pobitro Aptar hemoda darai alajhala asha pebartei, asha dede Itchiorbuoi beg hujhiganiloi boron gori tumi bischias gorode doge shanti duok.
Paula Be-jadtunor Sagorsie
14 Oh bheilog, mor tomartei bischias age jei tomartun goman boron gori, beg gyeno puripunnuogan, ar ek jone ek jonore gorei tulonagan age. 15 Oh bheilog jai ok, Itchiore more doyegan die hinottei mui tomare mono tuli dibartei sohoj gori hoiekkani sombonde legilung. 16 Be-jadtuno sidu Jisu Kristor sagorsie ong para, Itchioro gom hoboran dhormothagurune gojande dogkie gori dibartei, ar Be-jadtuno sien Itchiore gojhiloi para ar Pobitro Aptai pobitro gore para.
17 Senottei, Itchioro jinijchor sombonde Jisu Kristo iot mor baini goribar haron age. 18 Haron hodadi ok hamodi ok Be-jadtunore manon para goreibartei, Kristo mor darai no gorede sieni ekkano mor hobar sahoj nei. 19 Oborug sinno hamedi, ar oborug hamedi Itchioro Aptar hemoda darai mui Jerusalem sohorottun dhori goda Illyrikum rejjior seropala song Kristor gom hoboran puro gori prosar gorsiong. 20 Senottei, mui thik gorsiongge jei jaganot Kristo nangan ejo hobor no pan, sei jaganot prosar goribarlottei, jene oinnio jone tola tullionde sieno ugure mui no tulong para. 21 Sastrot lega agede doge goridung sang:
“Jiguno sidu tare phogodang gora no oi, sigune tare degibak. Ar jigune tar hoda no sunon sigune bujibak.”
22 Ei sienittei, mui tomar idu ebar onek badha pori elo.
Paular Rom Dejot Jebar Mone Hor
23 Hintu ikkie ei bamot mortei prosar goribar jaga nei ar, ar onek bojor olo mui tomar idu ebar dhap gorongotte. 24 Spain dejot mui gele, tomar idu eim. Haron mui jade tomare sebar dhap age, judio polim bar hanekkonottei tomarloi podot lak pa-pi oleio sahajjio obo. 25 Hintu ikkie sadhu manuschunore sebona goribarlottei mui Jerusalem sohorot jangor. 26 Haron sadhu manuschunor moiddie na Jerusalem sohorot sahajjio dena, Makidonia, ar Akaia dejor manuschunottun baari mone hor. 27 Be-jadtune hujhi gori mone gortonde, thara sadhu manuschunor Horoj ugureie. Haron Be-jadtune judi aptar jinij bhag peie on, tharare heyet jinij denagan olode tharar daetto. 28 Senottei, mui sei danan di phureile ar Jerusalemor manuschune peion bili ses gora poribo. Sei porendi, mui Spain dejot jade tomar idu eim. 29 Hintu mui hobor pang, mui tomar idu ele, Kristor gom hoborano asirbadtan puro gori ani di dim.
30 Bheilog, Probu Jisu Kristor ar Aptabuor hospanar darai mui tomare hujoli gorongor. Mortei Itchioro sidu shanggadik bor magi dinei bol duo. 31 Judea dejot bischias no goronde sigunottun Itchiore more uddhar gore para, ar Jerusalem sohorot sadhu manuschuno sidu mor haman gojhi lon para mortei bor magi duo. 32 Itchioro ischie mote hujhi gori mui tomar idu ei parong para ar tomarloi jirei paronggi para mortei bor magi duo. 33 Shanti dede Itchiorbuo tomar begkuno loge thok. Amen.