Shokto ar phadala Bischias
14
Bischiasot norom manus-chunore grohon gorsio. Monot shiongshama jinijchanit tare no nejeio. 2 Haron ek jone bischias gorinei begkani hei pare, hintu je bischiasot norom the bana tonpat hebo. 3 Je hai the oinnio jonore aw-pela no gorsie gori hok, ar je no hai the begkani haidie sibier bijier no gorsie gori hok. Haron Itchiore tare grohon gorsie. 4 Oinnio jonor sagorsiebuore bijier goriebuo tui honna? Sagorsiebuor jei odosat tar girojchuottun hoda. Haron Itchiore tare rageibo hinottei, the thebo.5 Ek jone ek jonor ugure ek din dangor bili mone gori pare. Aro ek jone begkun dangor bili mone gori pare. Prottiek jone nijor monan buj dedok. 6 Je dinno palai, the Probur nange palai. Ar je dinno no palai, the Probur nange no palai. Je hai the Probur nange hai, ar je no hai. Haron the Itchiorore hujhi hoda hoi. Ar je no hai the Probur nange no hai. Ar the Itchiorore hujhi hoda hoi. 7 Haron huno jone nijottei baji no than ar huno jone nijottei no moron. 8 Haron ami judi baji thei, Probur nange ami baji thei. Ar ami judi mori jei, Probur nange ami mori jei. Senottei, ami mori jei bah baji thei ami olongge Probur. 9 Haron sei uddischuoi Kristo morsiegi ar jiei udinei baji age, jene the moragunor ar jedagunor Probu oi. 10 Salen, hittei tui tor bheibuore bijier goros? A hittei tor bheibuore aw-pela goros? Haron ami begkune Kristor bijiero jaganot thiei pebonggoi. 11 Haron Sastrot lega age, PROBUIE hor,
“Mui jeda hinottei, prottiek jone mor mujungot adu pari salam gori pebakki, ar prottiek jile Itchiorore baini gori pebak.”
12 Siennie ole, ami prottiek jone nije-nije Itchioro sidu ijeb di pebonggoi.
13 Senottei, ek jone oinnio jone bijier no goribong ar. Sei bodoli, ien gorsio, bheilogkune azar no haan para, bah no poron para, ujuot hebar jinij tharar podot thoi no dibong. 14 Mui hobor pang ar shokto gori hobor pang Probu Jisu iot hitchu aw-pobitro nei. Hintu je prottiek jinij aw-pobitro bili mone gore, tartei sieni aw-pobitro oi pare. 15 Tor bhattunottei tui judi tor bheibuore monot dug lagei duos, salen tui hospanagandoi no solor ar. Jadtei Kristo morsiegi tare tor bhattunottei nosto no goris. 16 Senottei, tor goman bojong hobar no dis. 17 Haron Itchioro rejjiogan haana-dana gorana noi, hintu dharmigkan, shantigan ar Pobitro Aptat hujhi onagan. 18 Haron je ei hamanit Kristore sebona gore, Itchiore gojhiloi ar manjottun monot pore. 19 Senottei, shanti dede jinijchani ar oinnio jonore gorei tulede jinijchani lorei. 20 Bhadottei Itchioro haman nosto no gorsio. Beg jinijchani jodepode gori pobitro, hintu ek jone judi heinei, oinnio jonore azar hai para gore sien tartei bojong jinij. 21 Tor bheibuoi judi azar hai, monot dug pai, bah bischiasot norom oi, salen era haana ok bah mod haana ok bah je huno jinij no haanagan gom obo.