Odhiharigunore
Mannio Gorana
13
Prottiek jone odhihariguno sidu niroit oio. Haron Itchiorbuottun bade ar huno jon odhihari nei, ar odhiharigun olakke Itchiore thik gorsie. 2 Senottei, je odhihariguno biruddie sole, the Itchioro ugumo biruddie sole. Ar je siguno biruddie solibo the nijor ugure sasti pebo. 3 Haron sason-goriegun olakke gom hamgoriegunottei dorebar noi, hintu bojong hamgoriegunottei dorebar age. Odhiharigune bojong ham goronde sigunore dor no lageibartei sasti lagan ni na? Jien gom sien goro, sebeden thara tomare baini goribak. 4 Haron the olode gom ham goribartei tor nange the Itchioro sagorsie. Hintu tui judi bojong ham goros, salen dores. Haron the magana- magana horgogan dhori no age. The Itchioro sagorsie hinottei je bojong ham gore sibier ugure hena ugureibartei tar rakkan tulibo. 5 Senottei, bana rakkan seinei noi, hintu idie-ittanotteio tar sidu niroit oio.6 Haron ienottei hajanaio duo. Thara Itchioro sagorsie hinottei onsur thara ei jinijchani hial ragan. 7 Jare jien die pore sieni begkani duo. Hajana dibar thele hajanagun duogoi. Mal mattar hajana thele malo hajanagun duogoi. Jare dorebar age tare doreo, ar jare sorman goribar age tare sorman gorsio.
Manjiortei Hi Gorana Dorkar
8 Hospanagan bade oinnio jinij bajei no thoio. Haron je hos pa-pi gore the Nioman purei de. 9 Niomane hoi, “Tui shanda no goris,” “Hun no goris,” “Sur no goris,” “Mijie shakki no dis,” “Lubbo no goris.” Aro oinnio silie judi thele, begkun ei hodaganot egottor oion. Sien olode, “Tor paralliegunore nijo dogkie gori hos peis.” 10 Hospanagane paralliegunore hoti no gore hinottei hospanagan olode Nioman purei denagan.
11 Ar ien goro, somoibuo hobor peio. Ghumottun jagibar somoi ejchie. Haron polim bischias gorsei die darane ikkie amar muktigan hai ejchie. 12 Reidtuo bidi gelogoi, dinno ejer. Senottei reido hamani bad dinei, dino aittierani loi. 13 Dinot bereidie dogkie gori gome-dalei berei. Holorobo no goribong ar mattol no obong, hanggi, lubbo no goribong, hoschie herengkal ar hinsie-nindie no goribong. 14 Hintu Probu Jisu Kristore loinei, heyegano lubboganore mon dinei sujuk no dile gom obo.