Jeda Dali
12
Bheilog, senottei Itchioro doyeganor darai mui tomare hujoli gorongor. Tomar heyegani jeda, pobitro ar Itchiorottun monot pore para dali ijebe gojei duo. Sien olode tomar upojukto sebona haman 2 Ei songsaro doge no solinei, tomar monani puribotton gori nuo oio. Sebeden tumi proman peba Itchioro ischie doge huboni gom, gojhi lobar joggio ar puripunnuo.3 Haron more die oiede doyegano darai mui hongge, tomar moiddie prottiek jone nijottei jedogkie gori sintie goribar elo sedogkie bar gori sintie no gorida. Hintu Itchiore prottiek jonore bischias dede doge moiddie gujoror gori sintie gorida. 4 Haron amar heyet onek onggo age hintu beg onggoganir ekkui ham noi. 5 Thik sedogkie gori, onek jon oleio Kristo iot ekkan heye ar gai-gaio ek jondoi ek jon somporko age. 6 Doyer darai onek bor peieidie doge hamot lagei. Muni dogkie gori hoda hobar ole, amar bischiaschano onusare muni dogkie gori hoda hoi; 7 lobiot hamot ole amar lobiot hamot lagei; sigkiet ole sigkiet lagei; 8 uschonit ole uschonit lagei; denat ole puro gori di; murubbi hamot ole uijkare murubbi hamot lagei; doye goranat ole hujhie doye gori.
Doye Gorana
9 Hospanagan phagara no gorsie hospana ok. Jien bojong sien hos no peio, jien gom sien dhori thago. 10 Bheior doye dogkie gori doye gora-gori gorsio. Nijottun bes gori oinnio jonore sorman gorsio. 11 Hamot alsi no oinei hammuo oio. Probure sebona gorte utchuo oio. 12 Asha gori hujhi oio. Hosto ele gaisuei thago, ega mone bor mago. 13 Hi-hi lage sadhu manus-chundoi diedi gorsio. Gorba lobiot gorsio.
14 Je tomare uttiesar goron sigunore asirbad duo, asirbad gorsio, geil no duo. 15 Hujhi oieguno loge hujhi oio, ar hanonde siguno loge hannio. 16 Tomar moiddie oinnio jondoi ekkui mon oio. Gourobot tomar monani no lageio, hintu niroit manuschundoi song porsio. Nijor mone gyeni no holeio.
17 Harore bojonggo hena bojonggoi no ugureio. Beg manuschuno sogo samne Gom ham gorsio. 18 Judi sombob ole jeddur paro begkundoi shantie thebar sesta gorsio. 19 Mor agojorun, hena no ugureio, Itchioro rakkanot gojei duo. Haron Sastrot lega age, “Hena ugurana haman mor. Mui hena ugureim,” Probuie hoi. 20 Senottei,
“Tor sottrugunottun ped purilie bhat duo. Tharattun pani saj gorilie pani duo. Haron tui siennie gorte, tar mada ugure angie angara tuli dibe.”
21 Bojonganore jidibartei no duo, hintu bojongan gomandoi jitto.