Itchioro Manuschunottei
Dan Tulona
16
Ikkie sadhu manuschuno-ttei sanda tulona sombonde mui legongor. Galatia rejjiot mo-ndoligunore mui ugum duongge doge tumio goro. 2 Saptar polim dinnuot tumi prottiek jone tengaδ bajei thoio. Tumi unnoti oiode doge joma gori thoio jene, mui ele tomar tenga tulo no pore para. 3 Tomar monot porsie manus hoiek jon bajilak. mui lungilegi, thara tomar doyer dogkineni nibartei tharare mui sidiloi Jerusalem sohorot padei dim. 4 Judi morio jebar dorkar ole muio jeim, thara mor somare jei paribak.Nijor Hujoli
5 Makidonia rejjiogan phuri einei mui tomar idu lungimbi. Haron mui Makidonia rejjiogan phuri ejongor. 6 Mui jidu jedungsat, tumi mor porbhajottei more hottur baredi parogoi para, mui tomar somare theimbi ar jarhalluo hadeimbi. 7 Haron jade somoi mui tomare sebar dhap no gorong. Hintu mui asha gorong Probuie judi more onumoti de, mui tomar somare hoiek din theimbi. 8 Hintu Pentikost Utchob song mui Ephesi sohorot theim. 9 Haron Itchiore mortei ekkan dangor ar hemoda-bola duor huli die. Hintu more biruddi gorie shagor agon.
10 Timothi judi lungegi, the tomar somare no doreie gori thai para seio. Haron mui Probur haman gorongge doge theio gore. 11 Senottei, huno jone tare aw-pela no gortok. Hintu the mor idu eje para, tare shantie porbhajot padei duo. Haron mui tare bheilogkun shomot barsei agong. 12 Ikkie amar bhei, Apollo sombonde legongor. Bheilogkuno somare the tomar idu ebartei mui tare baari ujuleiong. Hintu sei somoi the jebar tar mone no hoi. Sujuk phele the ebo. 13 Uijkare thago, bischiaschanot shokto gori thago. Sahoj goro, doro aw. 14 Tumi jieni goro, hos pa-pigandoi gorsio. 15 Bheilog, tumi Stephana ghorbuogun hobor po. Thara Akaia rejjiot polim pholun ar sadhu manuschunore lobiot goribartei thara nijore-nije duon. 16 Thara dogkie manjior sidu ar je amar somare ham ar hadoni goron siguno sidu niroit obartei mui tomare hujoli gorongor. 17 Stephana, Fottuna ar Akaikusot lunginei mui hujhi oiong. Haron tumi jieni gori no paro, sieni thara duondi. 18 Haron thara mor aptabuore ar tomar aptaguno taza gori duondi. Esannie manuschunore monot rageio.
Sejo Salam
19 Asia dejor mondoligune tomare salam janadon. Akuilaloi Priskilla ar tharar ghoro mondolibuo somot Probur nange tomare sit digol salam janadon. 20 Beg bheilogkune tomare salam janadon. Pobitro sumon dinei salam jana jani gorsio.
21 Mui Paula, mor nijor adtoi leginei salam janangor.
22 Je Probu Jisure hos no pai, tar ugure obisab porok. Oh Probu ai .