2
Mono dugot mui tomar idu no eim ar gori mone-mone thik gorsiong. 2 Haron mui judi tomare monot dug lagei dile, honna more hujhi goribuo? mui tomare monot dug lagei dile, tumi more hujhi ong para goriba ni?3 Mui lungiliegi more hujhi goribakke sigunore mui monot dug lagei di paronggi. Siennie no obartei tomare mui edogkie gori legilung. Mui bischias gorong mor hujhigan tomar begkuno hujhigandoi ekkui. 4 Haron baari hostoi, monot duge ar sogo pani phelei phelei mui tomare legkuong. Tomare monot dug lagei dibartei noi, hintu mui tomare baari hos pangge sien tumi hobor po para.
Pabigunottei Hema
5 Hintu ek jone judi dug lagei di thai, more monot dug lagei no de, hintu the tomar begkunore ekka-ekka monot dug lagei die. Bes no hoinei oddek gori holungge. 6 Begbhage tare sasti duonde sien tartei jogarsie oie. 7 Hintu, tumi tare hema gorana ar bujona osit, anole, the baari mono dugot thebo. 8 Senottei, mui tomare hujoli gorongor, tumi tare hos pode sien proman gori dego. 9 Sienottei, tumi beg hodani manila ni no manila mui tomare porikkie sebartei legilung. 10 Tumi jare hema gorsio, muio tare hema gorsiong. Haron mui judi je huno iet hema gorong, sien tomartei mui tare Kristor samne hema gorsiong, 11 jene Soitannuoi sujuk no pai para. Soitannuor hu-buddhiani ami hobor pei daw.
Nuo Niomanor Sagorsiegun
12 Kristor gom hoboran prosar goribartei mui Troas sohorot jeiong. mui jeinei Probuie mortei ekkan pod huli die. 13 Sidu mor bhei Titare suph no peinei, mor monanot shanti no elo. Sebeden mui tharattun bidei loinei Makidonia dejot jeiong.
14 Kristor darai amare onsur jakjomog gori nejaidie ar amar darai jagai jagai tar tumbas gyenan shidie jadte Itchiorbuor donniobad ok. 15 Haron mukti padonde sigunor moiddie ar nas odonde sigunor moiddie Itchiorbuottei ami olongge Kristor tumbaschan. 16 Ekdagittei ami olongge moronor baschan aro ekdagittei ami olongge jibonor tumbaschan. Ar ei hamanittei honna upojukto obo? 17 Haron onek jone labottei Itchioro hodagan bejonde dogkie ami noi. Hintu Itchiorottun dipadeie manjio dogkie gori Kristo iot Itchioro samne soittio gori hoi.