3
Ami aro amare baini gora arambo goribong ni na? Hoi ek jonor tomare baini gorsie sidi lage ar hoi ek jonor baini gorsie sidi tomartun tharar lage. Amareo sedogkie sidi lagibo parapang? 2 Tumi olade amar ontorot legkie sidi. Begkune sien madan ar hobor pan. 3 Amar hamo phole tumi olade Kristor sidi, haliloi legkie noi, hintu Jeda Itchioro Aptaloi legkie. Silo-padot legkie noi, hintu manjior ontoro padot legkie.4 Kristo darai ami sien Itchiorore bischias gori. 5 Ami joggio bili dabi goribar amar hitchu joggiota nei. Hintu amar joggiotagan olode Itchiorottun. 6 The amare nuo niomanor upojukto sagorsie baneie. Ami okkioror ham no gori, hintu aptar ham gori. Haron okkiorbuoi morei pelai, hintu Aptabuoi jibon de.
Nuo Niomano Oborugkan
7 Moranagan anede haman silo-padot legkiegan oborug elo hinottei, Israelo manuschune Mosir muonot oborugkanottei rini sei no paron, judio sei oborugkan boij jeiegoi. 8 Aptar haman sittun bes oborug no obo ni na? 9 Haron manjiore duji banaidie hamanot judi oborugkan thaidie oi, manjiore dharmig banaidie hamanot onek bes oborugkan thebo. 10 Haron jei oborugkan elo, dangor oborugkanottei sei oborugkan nei ar. 11 Elode oborugkan boij jeiegoi hinottei, tigi roiede oborugkan bes oborug.
12 Amar edogkie asha age hinottei, ami birat sahoj gori hoi. 13 Ien Mosi gorsiede dogkie noi. Israelo manuschune boij jargoidie sien thumsong ek rini sei no than para the tar muon andoldi thoie. 14 Hintu tharar akkolani Itchiore han goridie. Kristor darai pordagan hojei thuo oie hinottei, edchie song puron Nioman thara madei sei pordagan a hojeie roie. 15 Hintu edchie song thara Mosir boiun madade pordagane tharar akkolani dagi thoie. 16 Tobuio je Probu idu phirie, Probuie pordagan hojei thoie de. 17 Probu olode Apta. Jiot Probur Aptabuo age, siot shadin age. 18 Probuie amar muonittun dakkiegan hojei die hinottei, ami begkune Probur oborugkan anat degidie dogkie gori degi. Amio sedogkie subhi ek oborugottun aro ek oborug song oi para the amare puribotton gore. Sei oborugkan Probur Aptabuottun eje.