Paulai Sorgo Degkiegoi
12
Bar gorana mortei thik no oleio, mui bar gorim. Probuie more azil degeie ar phogodang gori di die. 2 Kristor ek jon manus mui hobor pang. Soiddio bojoro agendi Itchiore tare tin sorgo song tulliegoi. Heyegan somot ni na, heyegan sara gori mui hobor no pang, Itchiore hobor pai. 3 Mui tare hobor pang, hintu heyegan somot ni na, heyegan sara gori mui hobor no pang, Itchiore hobor pai. 4 Tare paradisot song tulo oiegoi. The hoi no parsie hoda suinniegoi ar sien manjie hobario noi. 5 Mui tar sombonde bar gorim hintu mortei bar gortung noi. Mui judi bar gorilieo bana mor durbolanit bar gorim. 6 Mui judi bar goribar seleio mui murukko odung noi. Haron mui soittio hoda hong. mui bar gortung no sang haron mortun jien sunon ar degon sei bara, more addikie judo no bhabon para.7 Itchiore mor idu bes gori phogodang gorsie hinottei mui adikkie more mui bar gorong bili mor heyet ekkuo hada die oie. Sibie olode ekkuo Soitano dud, mui bar no gorong para more thoschie lageibartei die oie. 8 Sienottei, sibie mortun jaigoi para Probure mui tin bar hujoli gorsiong. 9 Hintu The more hoie, “Mor meyegan tortei jodasto. Noromanot mor bolan puro gori ude hinottei.” Ar Kristor hemodagan mor ugure thai para mor noromanot mui hujhi gori bar gorim. 10 Senottei Kristor nange mui norom ole bah more hinsie gorilie mui hujhi ong. Mui pora phele bah hosto phele, mui baari hujhi ong. Mui obhabot phurile hujhi ong. Haron mui jokkene durbol sokkene mui doromoro.
Korinthiogunottei
Paular Sintie
11 Mui murukko ong para tumi more bar gora bajei duo. Tumi na baini gorana osit elo. Haron mui hitchu no oleio nangkora apos-tolunottun hom noi. 12 Apostolo sinno ham hamakkai mui tomar moiddie mon di gorsiong. Sieni olode sinno ar amok ham hemodaloi gora jaidie hamani. 13 Oinnio mondolittun tumi hiot unode? mui tomar bugi no ong hinottei tumi hom oi paro. Sei bhulan more hema duo.
14 Ei tin bar mui tomar idu ebartei jugol oi agong. Mui tomar bugi odung noi. Tomar jinijchani mui lubbo no gorong, hintu mui tomare sang. Haron gurogune bab-magunottei joma thobar noi, hintu bab-magune gurogunottei joma thona osit. 15 Senottei, tomar porananittei je huno jinij mui hujhi gori horoj gorim, ar horoj gora obo, judio tumi more bes hos no pheleio mui tomare bes hos pang. 16 Sien soittio oleio, mui tomar bugi odung noi. Tumi more hoi paro, the chalak hinottei, chalakkandoi the amare dhorsie. 17 Muio tomar idu dipadeongge siguno darai mui harore thogeiong ni na? 18 Tomar idu ebartei Titare mui hujoli gorsiong. Tar somare bheibuore mui dipadeong. Tita tomare harore thogeie ni na? Ami ekkuo aptaloi roiei ar ekkui gori solleidie oi ni noi?
19 Aro ejabot song, ami tomar idu amar dujchani hadeir bili mone goror parapang? Kristo iot Itchioro samne ami hor. Agojorun, tomare shokto goribartei sieni begkani ami hor. 20 Haron mui tomar idu ele, mui asha gorongge doge tomare no panggi bili mui dhorangor. Ar mui gelegoi, mui asha gorongge doge tumi more no po bilio mui dhorangor. Mui dhorangotte adikkie hoschie bazana, hinsie gora-gori, rak tulo-tuli, holi gora-gori, sorja-sorji, gop diedi, bar gora-gori ar jagulug oi bili. 21 Adikkie, jokke mui tomar idu abar ejong, mor Itchiorbuoi more tomar samne niroit goreibo ar jigune agendi aw-pobitro oinei, sineli ham gorinei, ar hanggi oinei pab gorsion ar tharar monani no phirien sigunottei buk porah ong bili dhorangor.