Sejo Uijchani
13
Tomar idu ejana ien mor tin bar obo. “Di-tin jono muottun shakkigan mana obo.”2 Agendi jigune pab gorsion sigunore mui uij duong. Ar ikkie mui no theleio, mui tomar loge di barot elungge dogkie gori oinnio begkunore uij duongor. mui judi aro ejong, harore bad didung noi ar. 3 Kristoi mor iot hoi bili tumi proman sebar dhap hinottei Kristo tomar pokke norom noi, hintu tomar iot the hemoda-bola. 4 Haron norom bili tare Krosot die oie. Tobuio, Itchioro hemoda darai the jeda age. Thik sedogkie gori, ami tar iot norom oi agi. Tobuio, tomar pokke Itchioro darai ami tar loge bajibong.
5 Bischiaschanot tumi ago ni na nei, nijore-nije porikkie goro. Nijore-nije proman shona. Tumi tigi tho song Jisu Kristo tomar iot agede tumi hobor no po? 6 Hintu mui bischias gorong ami tigi thebong bili tumi hobor peba. 7 Tumi bojong ham no goro para ikkie Itchiorottun mui bor magi duongor. Ami upojukto dega jebartei bili noi, hintu judio tigi no theleio, tumi thik ham goro para. 8 Haron soittiogano biruddie huno ekkan amar hemoda nei. Hintu soittiogano pokke amar hemoda age. 9 Ami norom oinei tumi doro ole ami hujhi oi. Ar tomare puro gori banebartei ami bor magi di. 10 Senottei, tomare shokto goribartei, nosto goribartei noi Probuie more odhihar dede doge, mui thieinei adikkie tomare korgos gorong bili abitjone ei hodagani mui tomare legongor.
Sejo Salam
11 Bego sejot, bheilog hujhi aw. Puro gori jugol oinei nijore-nije sahoj goro. Ega mone bhabo ar shantie thago, sebeden hos paidie ar shanti dede Itchiorbuo tomar loge thebo.
14 Probu Jisu Kristor doyegan, Itchioro hospanagan ar Pobitro Aptar egotagan tomar begkuno ugure thok. Amen.