Paula ar Nogoli Apostolun
11
Mui bhulo hoda hole, tumi ekka soijjio goribartei muitomartun sang, ar tumi soijjio goro daw. 2 Haron Itchioro agudo-nagandoi mui tomare agudong. Mui tomare ekkuo neg jodon banibartei thik gori duong hinottei, Kristo idu mui tomare sodi gabur-milie dogkie gori gojei dim. 3 Sabpuoi Evire hu-buddhi darai thogeie. Thik sedogkie gori adikkie tomar monani bojong gori de bili mui dhorangor. Kristor pokke tumi bhabode sieni the bojongendi ni pare. 4 Haron ek jone einei oinnio ek jon Jisur prosar gori parondi, jiber prosar ami no gori. Agendi tumi no pode siennie judo apta tumi pei paro. Ar agendi tumi no lode siennie judo gom hobor tumi loi paro. Tumi sien sohoje mani lo bili mui dhorangor. 5 Hoiek jon apostol olakke nangkora ar mui mone gorong muio sigunottun hom noi. 6 Hoda-battadi mui hom oleio, gyenedi mui hom noi. Tomar moiddie sieni begkani mui tomare degeong daw.
7 Gom hoboran magana mui tomar idu prosar gorsiong. Itchiore tomare ojolot tule para mui nije niroit oiong, sienot mor pab oie ni na? 8 Tomare seba goribartei mui oinnio mondolittun bedon loinei ludde para oie. 9 Mui tomar loge roiongge lokke huno ekkan pora oi theleio mui harore bhor no duong. Haron Makidonia dejottun ejchionde bheilogkune mor jien pora elo sien purei duondi. Huno ekkanot mui tomar bhor ong bili more mui rokkie gorsiong, ar sedogkie mui onsur gorim. 10 Kristor soittiogan mor iot age hinottei mui haror bhor noi bili mui bar gorilie, Akaia rejjio bamo manjie huno jone more badha no goribak. 11 A hittei? Itchiore hobor pai mui tomare hos pang 12 Hintu mui jien gorong, mui sien onsur gorim, jene amar dogkie bili sujuk togande sigunor sujukkan haba jai. 13 Haron edogkie manuschun olakke nogoli apostol. Thara olakke manus thogana ham gorie. Thara nije Kristor apostolo bhes doron. 14 Sien amok obar nei. Haron soitannuoi nijeio phor sorgo-dudtuor bhes dorsie. 15 Tar sagorsieguneio thara nije dharmigkano sagorsie bhes dhorsion. Sien ekkan dangor ham noi, ar tharar thuman tharar hamo onusare obo.
Paula Tar Hostogani Hor
16 Mui aro hongor:More huno jone murukko no bhabodok. A no le, hom se hom the more murukko dogkie gori mani lok, jene muio ekkena bar gori parong para. 17 Mui jien hong, sokke Probur doge no hong, hintu murukko dogkie gori bischias gorinei bar gori hong. 18 Onek jone songsaro doge bar goron hinottei muio sedogkie gori bar gorim. 19 Haron tumi gyeni hinottei murukkogun tumi hujhi gori suei ago. 20 Ek jone tomare banidaji banei pare, hei phelei pare, hari loi pare. The nijore-nije dangor banei pare ar tomare the mu sei suorei pare. Murukkogun tumi suei paro hinottei sieni begkani suei paro. 21 Ami norom elong hole lajor hoda oi. Hintu manjie jedogkie sahoji muio murukko dogkie gori hongor: Muio sahoji. 22 Thara Hebru manus oi ni? muio daw Hebru manus. Thara Israelo manus oi ni? muio daw Israelo manus. Thara Abrahamo bongso oi ni? muio daw Abrahamo bongso. 23 Thara Kristor sagorsie oi ni? muio daw Kristor sagorsie. Mui pagolo dogkie gori hong. Thara onek ham gorsion, hintu mui sittun bes ham gorsiong. Mui goni borei no ejchiesong gori meir heiong. Tharattun bes mui jiel-hattuong. Onek bar mui morong-morong oiong. 24 Pas bar Judai manuschune more ek hom solis bari duon. 25 Tin bar more mugorsion, ekbar more sil mela duon, tin bar mui uttuongge jahajchan tubole bhangi die ar sagoro panit ek reid ek din mui hadei peiong. 26 Mui nitto porbhaj gori peiong, sorat hodog bipod lagot peiong, hodog dagedo adot ar mor nijor jado manuschuno adot porsiong. Hodog Be-jadtuno adot porsiong, hodog sohorot ar jonosunnio jagat bipodot porsiong. Hodog sagorot bipod lagot peiong ar hodog bhes dhorsie bheiuno adot porsiong. 27 Mui hosto gori ham gorsiong. Onek reid ghumna-ghamna gori roi peiong. Bhat hei no peie gori ped pora ar pani saj gori-gori roi peiong. Habor-subor nei gori jar hei-hei roi peiong. 28 Sieni bara, nitto beg mondoliguno sombonde mor sidie thai. 29 Ek dagie norom ole, muio norom ongge noi? Ek dagie ujuot hele, mor buk angede noi ni?
30 Mui judi bar gorong, mor noromanot mui bar gorim. 31 Itchiore hobor pai mui gal no madongor. Itchioror ar amar Probu Jisu Kristor Babpuor umore-umor baini ok. 32 Damaska sohorot raja Aretar sason-goriebuoi more dhoribartei Damaska sohoran subi thoie. 33 Hintu more ekkuo harangot gori giriegano phogodi hanadi duriloi lamei diduon. Sengiri mui tar adottun sari jeiong.