Aptar Judduo
10
Tomar samne niroit ar tomar tomar abitjone tomar pokke sahojibuo, mui Paula, ikkie mui nije Kristor niroitandoi ar nombrotagandoi tomare hujoli gorongor. 2 Jokke mui tomar loge thang, bischias somot sahoji obartei mui asha gorong. Hoi ek jono biruddie udibartei mui dharona loiong. Thara mone goron ami songsaro niomo doge solir. Mui tomare hujoli gorongor mor sedogkie sahoji aw no poribo. 3 Haron ami judio songsarot agi, songsaro doge ami judduo no gori. 4 Ami judduo goridie aittierani manjior aittier noi hinottei, shokto rokkie gorede debal pursondo bhangi di paribar siennie hemoda Itchioro darai sienit age. 5 Torgo, bi-torgo ami bhangi di pari. Itchioro gyeno sombonde biruddi gorinei honde abittieni ami bhangi di pari. Kristore manon para, prottiek bhabonagani ami doriloi. 6 Tumi jokke puro gori maniba, sebeden no manonde sigunore sasti dibartei ami jugol agi.7 Tumi bana ugure-ugure sawh. The Kristor manus bili ek jonor judi bischias thai, amareo the sedogkie bhabok. The jedogkie gori Kristor manus, amio sedogkie gori Kristor manus bili nije abar bhabok. 8 Haron ami tomare gorei tulibartei Probuie amare odhihar die. Tomare bhangi pheleibartei the amare odhihar no de. Judio sei odhiharano sombonde mui ekka bar gorong, lajeidung noi. 9 Mor sidiganiloi mui tomare dor lagangor bili mone no gorsio. 10 Haron manjie hoi paron, “Paular sidiganit gour ar shokto hoda age. Hintu heyedi the norom ar tar hodagani hitchu moillio nei.” 11 Sedogkie manjie ien bhabodok, ami jokke no thei, hodagani ami sidit legi. Ami jokke thei, amar hamani jedogkie amar hodaganio sedogkie.
12 Haron hoiek jone thara nijore-nije baini goron. Ami tharar somare mijie bar no sei ar ami nijore-nije thararloi song no gori. Thara nijore-nije mabon ar nijore-nije song goron. Tharar gyen nei hinottei thara sedogkie goron. 13 Hintu Itchiorttun ami jittur bhag peiei sei bara ami bar gortong noi. Ami bar goridie sienot tumio ago. 14 Haron ami tomar idu song lungibarlittei, ami sei bara no jei. Ami na tomar idu Kristor gom hoborandoi lungiegidie. 15 Ami odorbara baini no gori. Oinnio jonor hamanio ami baini no gori. Hintu ien amar asha: ‘Tomar bischiaschan barilie, tomar darai amar haman tomar moiddie baribo. 16 Tomar obola jaganit gom hoboran ami prosar gori pari para. Haron oinnio manjior jagat honatto gorsie haman ami goribar no sei. 17 Hintu, “Je bar gore, the PROBU iot bar gorog.” 18 Haron je nijore-nije baini gore tare mana no oi. Hintu Probuie jare baini gore tare mana oi.