9
Sadhu manuschunor hamani sombonde mui tomare legibar dorkar nei. 2 Haron sahajjio goribar tomar dab agede mui hobor pang. Ar Makidonia manuschuno sidu mui ien bar gorinei hong: Gelle bojorottun dhori Akaia dejor man-uschune dibartei jugol oi agon. Tomar dhappane tharar onek jonore dibartei utsaho tuli di die. 3 Tobuio bheilogkunore mui tomar idu dipadeong, jene ami tomare baini goridie sien magana no oi. Ar mui hoiongge doge tumi jugol aw para. 4 Makidonia dejor manus judi mor loge ejon ar tumi judi jugol no aw, ami lajot poribong. Ami tomare shokto baini gori hinottei tumio lajot poriba. 5 Senottei mui sintie gorsiong, thara akke dhori tomar idu ebartei bheilogkunore hujoli gorana dorkar. Tumi dibartei haam heiode sieni thubei thoi paron para. Sebeden sieni mone hoinei die jinij obo, mone hong-nohong gori die jinij odo noi.Bes Gori Shidiena
6 Mui ien hong: Je hom shidie the hom deibo ar je bes gori shidie the bes gori diebo. 7 Je jedog dibartei mone hoi the sedog duok. Ek jonor lager bili the mone hong-nohong gori no duok. Haron Itchiore mon hujhi gori diegunore hos pai. 8 Itchiore tomare nanan asirbad shagor gori je huno iet di pare. Jene beg alajhala gori onsur theienei, prottiek gom hamot tumi gori paro para. 9 Sastroie hoiede doge:
“The settera gorsie. The goribpunore die. Tar dharmigkan umore-umor thai.”
10 Jei biji-shidiebuore biji ar hebar pidie de, shidibartei the tomareo biji bes gori dibo ar dharmigo hedtan barei dibo. 11 Tumi bes gori di paro para, the tomare je huno iet bes gori dibo. Sienittei ami Itchiorore hujhi hoda hobong. 12 Tumi gorilade haman bana sadhu manuschunor Aw-bhabpan puron no oinei, hintu Itchiorbuoreio onek donniobad obo. 13 Kristor gom hoboran haam haanaganor manniode sien ar tumi thararloi ar je huno jondoi ega mone tumi bhag duode sien hamano darai tumi nije proman degela hinottei, manjie Itchiorore baini goribak. 14 Tomar iot shagor Itchioror meye age hinottei, thara tomare idot tuli-tuli tomartei bor magi duon. 15 Senottei, hoi borei no ejchie boranottei Itchiorore hujhi hoda ho.