Hulo Mone Dibartei
Paular Hujoli
8
Bheilog, Makidonia dejor mon-doligune Itchioro meyegan peionde sien ami tomare janei dir. 2 Tharare hostoi porikkie gorsie, tobuio thara baari hujhi oion. Judio thara baari gorib oleio, thara thagoie dogkie gori dan duon. 3 Haron thara jedog paron sedog duonde mui shakki elung. Tharar nijor ischiei di parsionde sittun bes thara duon. 4 Sadhu manuschunore seba gorana ham bhag pebartei ar ami thara doye gorinei duonde sieni gojhiloi para thara amare shokto gori hujoli gorsion. 5 Ar bana ami asha gorsei die doge noi, hintu thara akke nijore-nije Probure duon, sebeden Itchioro ischie doge thara amare duon. 6 Senottei, Titare ami hujoli gorsei, the jokke sahajjio goribartei tulona arambo gorsie, tomartun sanda tulonaganio puro gori tulog. 7 Tomar begkanit bes agede dogkie gori bischiasot, hodat, gyenot, ni-alsit, ar amattei tomar hospanaganot. Sedogkie gori ei doye gori dena ganoteio bes ole gom obo.8 Mui tomare ugum no duongor. Hintu tomar hospanagan soittio oni noi manjior ni-alsigandoi porikkie sangor. 9 Haron Probu Jisu Kristor meyegan tumi hobor po. Judio the thagoie oi theleio, tomartei the gorib oie, jene tar goribpandoi tumi thagoie aw para.
10 Mui tomare mor upodeschan duongor. Haron ien ekkan tomartei labor jinij. Gelle bojor begottun akke tomar dibar mone hoie ar tumi begottun akke duo. 11 Senottei, gorotte sien puro goro. Tomar dibar dab elo hinottei, tomar jien age sienittun puro goro. 12 Haron dibar mon ischie thele, jien age sei doge Itchiore grohon gore, tomar neidie doge noi.
13 Haron oinnio jonor bugi padol oinei tomare bugi gour gori dibar ami no sei. 14 Hintu ami sei die begkunor soman-soman odo. Ikkie tomar alajhalaniloi tharar neidie sien puron odo ar tharar alajhalaniloi tomar neidie sieno puron odo. Sebeden begkunor soman-soman obo. 15 Sien olode Sastroie hoidie doge:
“Je bes thuboi tar sie bes nei. Je hom thuboi tar hitchu pora nei.”
Titarore Korinth
Sohorot Dipadeon
16 Tomartei mor ontorot Titaloi ekkui dharoj Itchiore die hinottei Itchiorore mui hujhi hoda hongor. 17 Haron ami tare hujoli gorinei, the mannie. Tare sittun bes dharoj elo ar the tar nijor ischiei tomar idu ejchie. 18 Tar loge bheibuore ami padei dir. Gom hoborano hamanottei sei bheibuore beg mondoligune baini goron. 19 Tumi duode jinijchaniloi the amar loge jebartei mondoligune tare basoni gorsion. Probur nijor mohimattei ar sahajjio goribar tomar dharoj age bili degebartei ami sei jinijchani bhag gori dieioi. 20 Sei bor dano jinijchani ami jei doge dieioi sienit manjie amare bodnam gori paron. Ami shabodane soli. 21 Bana Probur mujunge noi manjior samneio jien osit sien ami gortong sei. 22 Amar bheibuo tharar loge padei diei. Ami tare onek hittendi porikkie sanar porendi, tar dharojchan age. The tomare shanggadik bischias gore hinottei, ikkie tar baari dharoj age. 23 Titar sombonde mui legongor. The olode mor phagot sommie ar mor somare tomar idu ham gorie. Bheiunor sombonde mui legongor:Thara olakke mondoli azai dipadeie ar Kristor mohimagan. 24 Senottei mondoligunor mujunge, tharare ar tomar hospanagano promanan degeim. Ami tomare baini goridie haronan tharare dego.