7
Oh mor agojorun, ei soittiogani age hinottei heyegan ar aptabuo goda hajor gorede sienittun ami nijore-nije hajei. Itchioro iot dhoran amar age hinottei amar pobitrogan puripunnuo gori.Paular Hujhigan
2 Tomar ontoranit amare jaga duo. Ami harore oinniei no gori, harore hoti no gori ar harore no thogei. 3 Tomare dujot pheleibartei sien mui no hongor. Haron mui tomare ei akke hoiong, tumi amar somare bajibartei ar amar somare moribartei amar ontoranit ago. 4 Tomar ugure mor baari bischias age ar mui tomare baari baini gorongor. Shantona pelung ar beg dug-hostogani moiddie mui baari hujhi olung.
5 Haron jodepode, ami jokkene Makidonia dejot lungiei, amar heyegani jiren no pei. Manjie amare nanan hittettun sabpuon. Barendi elode judduo ar bidirendi elode dor. 6 Tole porsie manusch-unore shantona dede Itchiorbuoi Tita lunginei amare shantona die. 7 Bana Tita einei ami shantona peieidie sien noi, tumi Titare shantona duo hinotteio Itchiore amare shantona die. Tita more hoiede, tumi morloi lak pa-pi obartei, hani-hani dhap gori-gori ago, tumi more shanggadik hos po. Senottei mui baari hujhi olung. 8 Judio mui tomare mor sidigandoi monot dug lagei duong, mui sien no postang. mui sien posteleio, mui mone gorongge mor sidigane dug lagei die, hintu bana hanekkonottei. 9 Tomar monot dug oiebili noi, hintu tomar monot dugkane tomar monani phirei die hinottei ikkie mui hujhi. Itchioro ischie doge tomar monot dug oie hinottei amar torobottun tomar hitchu hoti no oi. 10 Haron Itchiorottun ejede monot dugkane mukti paidie mokkie mon phirei de. Sebeden manjie sienottei no postan. Hintu songsarottun ejede monot dugkane moronan dage. 11 Sawh, tomareo sedogkie olo. Itchiorottun ejede monot dugkandoi tomar monot dug olo. Siendoi tomar gom ham goribar dhap olo. Nijore rokkie gorana mon olo ar siendoi tomar huttieri udilo. Dhoran, dhappan, dharojchan tomar olo. Hena ugureibar tomar mone hoi. Sei begkanit tumi sudduo bili proman degela. 12 Senottei, mui tomare judio legong, je bojong ham gorsie sibiettei mui no legong. Je bojongan gujhi loie sibietteio mui no legong. Hintu ami jei tomare Itchiore saidie doge sei, sien dega jebartei mui legkuong.
13 Haron tomar shantonanot ami shantona pei. Ar sittun bes, Titar monan tumi begkune taza gori duo hinottei the hujhi oie ar amio baari hujhi oiei. 14 Haron huno iet judi tomar sombonde mui tare baini gorong mui no lajeim. Hintu soittio gori ami begkani tomare hoiei, senottei ami Titare baini gorittie sieno proman olo. 15 Tumi tare dore girgirei-girgirei hingori gojhi loio ar tomar begkunor manniotagan the idiot tullie tomartei tar baari meye lage. 16 Je huno iet mui tomare nirbhor gori parong hinottei mui hujhi.