6
Ami tar somare ham gorie hinottei tomareo hujoli gorir: Mangana-magana Itchioro meyegan tumi no loio. 2 Haron Itchiore hoi,“Somoi oktot mui tomar hoda suinniong. Ar mukti peiode dinnuot mui tomare bol duong.”
Suno, ikkie olode gom somoi, ar ikkie olode mukti paidie din.
Paular Hostogani
3 Huno jone ujuot haide ham ami no gori. Ami judi gortong, manjie amar haman sorjeilakkun. 4 Ami Itchioro sagorsie bili je huno iet upojukto bili degei. Hub soijjio ar hosto bhug gorsei. Amar onek Aw-bhab ar sab-sristi elo. 5 Amare pidtuon, jiel duon, andolon soijjio gori peiei ar dug gori peiei, ami onek ghum mari peiei ar ubos thei peiei. 6 Ami sudduo elong, amar gyen elo, ami dorjio dhorsie, ami nombro elong, amar Pobitro Apta elo, amar hospanagan phagara nei gori elo, 7 ami soittio hoda hoi ar Itchioro hemodagan amar age. Amar dene-bange dharmigo aittieran age. 8 Hoi ek jone amare sorman goron ar hoi ek jone amare be-sorman goron. Hoi ek jone amar biruddie bojong hoda hoi duondoi ar hoi ek jone amar sombonde gom hoda hoi duondoi. Hoi ek jone ami hu-podedi nejei holeio amar ien soittio hon. 9 Hoi ek jone amare gome-dalei hobor peineio, hobor no pande dogkie gori amare bebohar goron. Mori
jeir hintu sawh ejo baji agi. Sasti duon hintu morei no pelan. 10 Amar monot dug theleio ami onsur hujhi. Ami gorib oleio onek jonore thagoie gorier. Amar hitchu nei hintu amar beg age. Sei begkanit ami Itchioro sagorsie bili degeir.
11 Oh Korinth manuschun, ami tomare pang gori bhangi hoiei. Amar ontorani tomartei ojar gori huli diei. 12 Amar ontorani tomartei bondo no gori. Hintu amattei tomar nijor ontorani bondo gorsio. 13 Gurore hoi para mui tomare hongor: Amatteio tumi amar dogkie gori tomar ontorani ojar gori huli duo.
Aw-bischiasigundoi Jungol Hanat no Loio
14 Aw-bischiasigundoi song no oie gori jungol hanat no loio. Haron dharmigkane niom saragundoi hingori song pori pare? Phorane andharandoi hingori egottor oi pare? 15 Kristo Belialoiδ hingori milibo? Bischiasiloi Aw-bischiasi hi milibar age? 16 Itchioro mondirloi mokti hi milibo? Haron tumi olade Jeda Itchioro mondir. Itchiore hoiede doge:
“Mui tharar loge bojotti gorim ar mui tharar loge bereim. mui tharar Itchior om ar thara mor manus obak.”
17 Probuie hoi,
“Senottei, tharar moiddiettun nigili ejo, Pharok awh. Aw-shijhi jinijchani no dhorsio, sale mui tomare gojhi lom.”
18 “Sebeden mui tomar Bab om ar tumi mor puo-jhi oba. Sorbo-shoktiman PROBUIE ien hor.”