Sorgot Thebar Jagagan
5
Haron ami hobor pei judi amar pittimir ghoran, ei terpalan dongso oi, Itchiorottun ami ekkan ghor pebong, sien sorgot umore-umorbuo age jien adtoi tullie ghor noi. 2 Haron sorgot thebarlottei habor uribar dharoj gori-gori bor-nijes pheleir. 3 Jokke ami uribong, ami uttie langda no thebong ar. 4 Haron ami ei terpalo ghoranot thagke, gor bugibuottei bor-nijes pheleir, haron ami uttie langda thebar no sei hintu sorgot thebarlottei habor uribar sei, jene jien more sien jibonane gilie. 5 Itchiore sei uddischuoi amare jugol gorsie. The amare Aptabuoio joma ijebe die.6 Senottei, ami hobor peinei onsur sahoj no areie gori, heyegandoi ami ghorot thele, heyegandoi ami Probuttun durot. 7 Haron ami bischiaso darai soli, seinei no soli. 8 Ami sahoj gorir heyeganottun durot theinei Probur iot thanagan odik gom. 9 Senottei, ami asha gorir ghorot thei bah no thei ami tare hujhi gorir. 10 Haron, ami begkune Kristor bijiero jaganot hamakkai azil uo poribo. Sebeden prottiek jone tar heyegandoi gom ham ok bah bojong ham ok gorsie doge dam pai para.
Itchiorloi Mile-Mili
Gori Dena Haman
11 Senottei, Probure dhora-nagan hobor peinei, ami oinnio jonoreio ujulei. Hintu Itchiore amare gome-dalei hobor pai, ar mui asha gorong tomar idie-ittanieo amare gome-dalei hobor pai. 12 Haron ami nijore-nije tomar idu aro bar no gorir, hintu amar iot tomar bar goribartei ami tomare sujuk dir. Hoi ek jone jien degon sienot bar goron ar thara ontorottun bar no goron. Tharare uttor dibartei ami tomare amaiot bar goribar sujuk dir. 13 Haron amar judi mada horab oi, sien Itchiorottei. Ar ami judi mon shanto oi, sien tomartei. 14 Begkunottei ek jon morsie hinottei begkune morsion. Sien ami begkune bujchei hinottei Kristor hospanagane amare giri ragai. 15 Jigune baji agon, sigune tharar nijottei baji no theinei, hintu tharattei morinei aro jiei uttiede sibiertei baji thebartei, the begkunottei morsie.
16 Senottei, ikkiettun dhori ami harore manjio doge hobor no pei. Judio Kristore manjio doge ami hobor pei thei, ikkie ami sedogkie gori tare ami hobor no pei ar. 17 Senottei, je Kristo iot thai, the nuo gori sristi olo. Sawh, purona jinijchani nei ar, begkani nuo oie. 18 Begkani Itchiorottun. The nije amarloi Jisu Kristo darai tarloi milon oiegi ar milon gori dena haman the amare die. 19 Sien olode: Itchiore manuschunore duj no dinei, Kristor darai songsaran tarloi milon gorer. Ar milon gorede hodagan the amare gojei die. 20 Senottei, ami olongge Kristor raj-dud. Ien olode Itchiore amar darai tomare ujuluotte dogkie. Kristor pokko oinei ami tomare ujuleir: Itchiorloi milon ogi. 21 Haron jar pab no elo Itchiore tare amattei pab bugei die, jene tar darai ami Itchioro dharmigkan pei para.