Itchioror Ischie moton
Bei Lona
9
Kristo iot soittio hodagan mui hongor. Mui gal no madongor, mor idie-ittaneo Pobitro Aptabuo iot mor sombonde shakki der. 2 Mor monot baari monot dug age ar eksottie hosto lager. 3 Haron mortun mone horte jei mor bheilogkunottei, mor jadottei roktor doge obisab heinei mui Kristortun pharok odung. 4 Jigun Israel manus, jigunottun palokkan, mohimagan, suktigani, niom peiegan, Itchioro sebonagan, ar protiggiagani age. 5 Jigun olakke Purbo-puruschun, ar roktor ijebe tharattun Kristo ejchie, jibe begkunor ugure sason-gorie ar juge-juge baini goronde Itchior. Amen.6 Hintu Itchioro hodagan brithai no jai. Haron jigun Israel jador, sigun begkun Israel jador noi. 7 Abrahamor bongso bili thara begkun tharar puo noi. Hintu, “Isaakor iot tharare tor bongso hobak.” 8 Sien olode, jigun roktodi puo sigun Itchioro puo noi. Hintu protiggiagano puogun bongso bili gona jai. 9 Haron ien olode protiggiagan, “Ejette bojor ei somoiot mui eim ar Sarar ekkuo puo obo.” 10 Ar bana ien noi, hintu Rebegkio ek jono darai ekkuo puo peie, ar sei manuschuo amar Purbo-puruschun Isaake. 11 (Haron gurogun no ode, huno gom bojong no gorte, Itchioro uddischuogan basonigano doge pureibartei, hamo doge noi, hintu je dakkie sibier doge obartei.) 12 Itchiore Rebegkare hoie, “Jettuoi honettuore sebona goribuo.” 13 Sastrot lega age: “Jakobore mui hos pang, hintu Esaure hos no pang.”
14 Salen, hi hobong? Itchiorottun hi aw-dharmigkani age nahi? Hamakkai noi! 15 Haron Itchiore Mosire hoie: “Mui jare hos pang, tare hos peim, ar mor jare sit puribo tare sit puribo.” 16 Senottei ien manjior ischie noi, dumurede sibier ischie noi, hintu meye gorede Itchiorbuor ischie. 17 Haron Pharao rajare edogkie gori Sastroie hoie, “Ienottei na mui tore ojolot tulliong jene tor iot mor hemodagan degei parong para. Ar mor nangan goda songsaranot janei duon para.” 18 Senottei tartun jare mone hoie tare meye gore ar jare hos no pebar mone hoi tare akkol han gori de. 19 Tui more hoi paros, “A hittei the duj badei de? Haron honna tar ischiegan badha die?” 20 Hintu Oh manuschuo, Itchiorbuo biruddie uttor die tui honna? Baneie jinijchane Baneiebuore hoboni, “A hittei more edogkie gori baneos?” 21 Hum baneiebuoi bah humorbuoi ek dola begottun sormanio hamortei ekkuo hum ar aw-sormanio hamortei aro ekkuo hum banebar tar phegkano ugure odhihar nei ni na? 22 Ar iot hi, judi Itchiore tar rakkan ar hemodagan degebartei sai. Senottei, the nosto goribar rakkandoi baari gai thai. 23 The doye gorede sigunore tar mohimagano alajhagan degebartei the honatto mohimaganottei baneie. 24 The amareo dakkie, bana Judai manuschunore noi, hintu Be-jadtunoreo dakkie.
25 Sien muni Hosea tar boibuot legkiede doge,
“Mor manus noi die sigunore mor manus hom. Mor agojor manus noi die sibiere mor agojor manuschuo hom.”
26 Ar the hoi, “Ar edogkie obo, jiot tharare huo oie, sienot, ‘Tumi mor manus noi,’ hodaganor bodole tharare jeda Itchiorbuo puo, bili daga obo.”
27 Muni Isaiaio Israel manus-chunor sombonde edogkie gori jogar pari-pari hoi,
“Judio Israelo bongsogun sagoro horoliganittun bes oleio, ugursiegun mukti obak.
28 Haron tar haman pureibo, dharmigkanot tar aiu badhi obo. Haron PROBUIE tar pittimit hanekkon gori goribuo.”
29 Muni Isaiai agendi hoiede doge,
“Sorgo ‘soinniogunor PROBUIE’ hoiek jon amare bongso ekkuo phelei di no jedo, ami Sodom sohoro manuschuno dogkie olongun ar amare Gomora manuschuno dogkie goreilakkun.”
Israel Manuschunor
Aw-bischias
30 Salen, ami hi hobong? Jei Be-jadtune dharmigkan no togan sigune dharmigkan pelak, bischiaso dharmigkanio pelak. 31 Hintu Israel manuschune Niomano dharmigkan togande sigune Niomano dharmigkan no pelak. 32 Hittei no pelak? Haron bischiaso darai thara sien no togeinei, Niomano hamo darai togeion. Haron ujuot haidie silluot thara ujuot heion. 33 Sastrot lega age,
“Sawh, Zaion sohorot ekkuo ujuot hebar ar azar haidie sil thoiong. Je tare bischias gore the huno din laj pedo noi.”