Pilado Sidu Jisu
15
Beinnie poittie rajguru-thagurune, borjonnune, dhormo niomor mastorune, ar goda sanhedrinuoi temmang gorinei, thara Jisure bani ninei Pilador sidu gojei dilakkoi. 2 Pilade Jisuttun pujor gorilo, “Tui ne Judaiunor Rajabuo?” Jisu tare uttor dinei holo, “Tui holede doge mui oi.” 3 Ar rajguruthagurune Jisure onek duj badei dilak. 4 Pilade aro Jisuttun pujor gorilo, “Tui hitchu uttor no dibe? Sah, tor biruddie hodogkani thara shakki dedon.” 5 Hintu Jisu hitchu uttor no dilo ar. Senottei Pilade amok olo.6 Rokkie utchob bagene Pilade jielot porsie manus ek jon, jonogone jare magon tare tharattei iri dide. 7 Sei lokkene Barabba nange ek jon manus tar somarsie andolon goriegunor somare jielot bannie gori elo. Thara andolon gorte ek jon manus hun gorsion. 8 Manuschune Pilade tharare gori dede doge gori dibartei jogar pari-pari hujoli gora dorilak.
9 Hintu Pilade tharare uttor dinei holo, “Judaiunor Rajabuo mui tomartei iri didung tomar mone hoi ni?” 10 Haron rajguruthagurune Jisure insie darai tar adot gojei duonde sien the hobor pai. 11 Hintu rajguruthagurune Jisur bodoli Barabbare magibartei manuschunore bhejei duon. 12 Pilade tharare aro uttor dilo, “Tumi Judaiunor Raja hode ibiere mui hi gori didung tomartun mone hoi?” 13 Hintu thara jogar parinei aro holak, “Tare krosot de!” 14 Pilade tharattun pujor gorilo, “Hittei, ar the hi duj gorsiede.” Hintu thara sie bes jogar pari-pari holak, “Tare krosot de!”
15 Piladottun jonogonor monani purei dibar mone holo hinottei Barabbare tharattei iri dilo. Sebeden the Jisure sabukkoi mara bajei didai krosot dibartei Jisure tharar adot gojei dilo
Soinniogunor Thatta
16 Sebeden soinniogune Jisure praetoriumδ honde siot bhoreilakkoi. Ar siot thara oinnio beg soinniogun daga-dagi gori thubelak. 17 Thara Jisure ekkan halisuri habor pinei dilak. Ar ekkuo hadar tuk banenei thara Jisure madat di dilak. 18 Sebeden thara Jisure salam gora dorilak, “Ju, Judaiunor Rajabuo.” 19 Thara Jisur siriebuot ekkuo hagara ludigkuoi mugureilak. Thara tare sep phelei dilak. Ar thara adu pari nigurinei Jisure salam gori sorman gortonde sannie gorilak. 20 Ar thara Jisure thatta gori phureinei, halisuri rongor haboran huei loinei tar nijor haboran pinei dilak. Sebeden tare krosot dibartei barendi nilak.
Soinniogune Jisure
Krosot Dilak
21 Simon nange ek jon manus hedottun ette thara lagot peinei, soinniogune tare Jisur kroschan bolajure bugei dinei neja bajei dilak. Simone olode Alexanderor ar Rufor bab, Kurini dejor manus. 22 Ar thara Jisure Golgotha honde jaganot nilak. Sienor orthogan olode, Hulosara jaga. 23 Sebeden thara Jisure hebartei modtoi mura dilak. Hintu The no helo. 24 Thara Jisure krosot denar porendi tar haboran bhag goribartei, har bhagot hi pore sebartei thara bhaggio porikkie selak. 25 Beinnie tin ghonta oktot thara Jisure krosot duon. 26 Kroschanor madat tare duj banaidie gonggolanot Pilade legi die:
JUDAIUNOR RAJABUO.
27 Thara di jon daget ek jon denedi ar ekjon bhangedi Jisur loge krosot duon. 28 Siendoi Sastror ei hodagan puron olo, “Ar tare niom saragunor somare gona olo.” 29 Ar sindi adi jande sigune thara sirie najei-najei thatta gorinei holak “Ihi jok! Tui ne mondirbuo bhanginei aro tin dine tulliebuo! 30 Kroschanottun lambina ar Tore tui rokkie gor!”
31 Ei sedogkie gorinei rajguru-thagurune ar dhormo niomor mastorune Jisure thatta gorinei thara-thara huobula gorilak, “The onnio manjiore uddhar gorsie, hintu The nijore-nije uddhar gori no pare. 32 Ami deginei tare bischias jei para, Kristo, Israelunor rajabuo kroschanottun ikkunu lami ejok!” Ar Jisur somare krosot duonde siguneo tare peis gorilak.
Jisu Morilo
33 Dibursiettun dhori tin porsie song goda dejchan andhar oi roie. 34 Bel tin porsie oinei, Jisu birat ro gorinei holo, “Eloi, Eloi, lama sabachthani?” Sienor orthogan olode: “Mor Itchior, mor Itchior, more a hittei tui phelei gele?” 35 Siot thiei agonde sigunottun ek dagie sien suninei, holak, “Sawh, the Elijare dager.” 36 Thara siottun ek jon daba-daba jeinei ekkan pul horo modot bureinei ekkuo hagara ludigo madat bajeinei Jisure hebartei dinei di holo, “Gai-gai thok, Elija tare kroschanottun lameibartei eje ne no eje, sei thei. 37 Ar Jisu birat ro gori jogar porilo, sebeden tar poranan nigili gelo. 38 Sei porendi, mondirbuor porda haboran ugorottun dhori tole song phadi jeinei di hotta olo.
39 Ek shot jon soinnior ugure senapotibuoiδ Jisur mujungot thiei elo, ar Jisu jogar pari udinei the suinnie. Ar Jisu hingori mori gelo the deginei holo, “Ei Manuschuo hamakkai Itchioror Puo.” 40 Hoiekkuo miliei ek durottun sei agon. Tharar moiddie Meri Magdalini, honet Jakob ar Joseb dagir mabuo Meri ar Solomio elo. 41 Jisu Galilit elode lokkenettun dhori ei miliegune tar loge jan, ar tar ham gori duon. Ar bhalukkun oinnio milie Jisur somare Jerusalemot ejchion, tharaio siot elak
Jisure Garelak
42 Sei dinnuo elo jugoleibar din, mane, Jireni Dinnuor agendi dinnuo. Honatto sajonnie oie hinottei, 43 Arimathea adamor Josebe lungilogi. The ek jon sanhedrinor nangkora manus ar ebode Itchioror rejjiogan the barsei elo. The sahoj gori Pilador sidu jeinei Jisur heyegan magilogoi. 44 Jisu honatto morsie bili suninei, Pilade amok olo. Sebeden ek shot jon soinnior senapotibuoreδ the daginei Jisu morsiede hodogkon song olo sien pujor gorilo. 45 Ek shot jon soinnior senapotibuottunδ hobor panar porendi, Pilade Josebore morabuo nibartei onumoti dilo. 46 Josebe padol habor hinilo. Morabuo kroschanottun pari haborandoi berei ekkan sadarat hunnie sidiesalot bhorei tholo. Sebeden the sidiesalanor gattuo duoran ekkuo dangor silloi nadi dilo. 47 Meri Magdalini ar Josebor mabuo Meri somot Jisur heyegan hudu thologoi thara sei roion.