Mothi
Jisu Kristor Purbo-puruschun
Luk 3:23 -38
1
Jisu Kristo Davidor bongso ar Davide Abrahamor bongso.Igun olakke Jisu Kristor buro-burigun.2 Abrahamor puo olode Isaak, Isaakor puo Jakob, Jakobor puo olode Juda ar tar bheiun. 3 Tamari dine Judar puo olakke Perez, Zera. Perezor puo Hesron, Hesronor puo Aram. 4 Aramor puo Aminadab, Aminadabor puo Nahson, Nahsonor puo olode Salmon. 5 Salmonor puo Boaz, mabuo elode Rahabi, Boazor puo Obed, Obedor mabuo olode Ruthi. Obedor puo Jesi. 6 Jesir puo olode David raja. David rajar puo olode Solomon. Solomonor mabuo olode Urior mogkuo. 7 Solomonor puo Rehabom. Rehabomor puo Abija, Abijar puo olode Asa. 8 Asar puo Jehosapad. Jehosapador puo Jehoram, Jehoramor puo olode Uzzia. 9 Uzziar puo Jotham, Jothamor puo olode Ahaz. Ahazor puo olode Hezekia. 10 Hezekiar puo Manasi, Manasir puo Amon. Amonor puo olode Josia. 11 Josiar puo Jekonia ar Jekoniar bheiun Babylonor manuschune Israel manuschunore banidajit nibar lokke jormo oion.
12 Tharare Babylonot banidajit nejanar porendi Jekoniar puo Shealtiele jormo oie. Shealtielor puo Jerubabel. 13 Jerubabelor puo Abiudor, Abiudoro puo Eliakim. Eliakimor puo olode Azor. 14 Azoror puo Zadog. Zadogor puo Akim. Akimor puo olode Eliud. 15 Eliudor puo Eliazar. Eliazaro puo Mothan. Mothanor puo olode Jakob. 16 Jakobor puo Joseb. Josebe olode Merir neg. Sei Merittun Jisu jormo oie. Manjie tare Kristoio hon. 17 Sebeden beg pirigun Abrahamottun dhori Davidor song olakke soiddio piri. Davidottun dhori Babylonot banidajit nionde somoi song olakke soiddio piri. Ar Babylonot banidajit nionde somoiottun dhori Kristo song olakke soiddio piri.
Jisu Kristor Jormo Hoda
Luk 1:26 -38; 2:1 -7; Jhn 1:14
18 Jisu Kristor jormogan olode edogkie: Tar ma Meri Josebpoi jodon bananar porendi, hintu thara ekhaborot no thagke Meri Pobitro Apta darai pedoli oie. 19 Hintu tar negkuo Josebe dharmitto manus elo hinottei, the Merire manjior mujungot itjiot phelei dibar no selo. The Merire mure-mure sari dibar mone-mone thik gorsie 20 Hintu Josebe ien bhabi sanar porendi, Probur ekkuo sorgo-dud sobone-sobone tar idu dega dinei tare holo, “Joseb, Davidor bongso, tui Merire tor mog ijebe lobar no dores. Haron tar pedot agede sibie olode Pobitro Aptar.” 21 The ekkuo morod puo phudebo, tui tar nangan Jisu thoi dis. Haron the tar manuschun tharar pabpanittun mukti goribo. 22 Ien begkan ghodi gelode jene Probuie munibuor muendi hoiede sien puron oi: 23 “Suno, ekkuo shodi gabur-milie pedoli obo, the ekkuo morod puo phudebo. Tare ‘Immanuel’ nang thoi dibag.” Sienor orthogan, “Amar loge Itchior age.” 24 Sebeden, Josebe ghumottun jagilo. Tare Probur sorgo-dudtuoi ugum dede doge-doge gorilo. Sebeden, the Merire lo-lo. 25 Hintu Puobuo no oi song the Meri loi ek haborot no thai. Polim morod Puobuore Josebe nang thoi dilode Jisu.