Pugor Pundigkune
2
Herod rajar amolot, Judea dejor Bethlehem adamot Jisu jormo onar porendi pugottun pundigkunδ Jerusalem sohorot ejchion. 2 Sebeden thara pujor gorilakki, “Judaiunor Rajabuo jormmeiegidie sibie hudu? Pugendi tar tarabuo ami degkiei ar tare salam goribartei ami ejchiei.” 3 Jokke Herod rajai sei hoboran sunilo, the sintiet porilo ar goda Jerusalem sohorot manuschuneo sintiet porilak. 4 Sebeden the beg manuschunor Guruthagurun ar dhormo niomor mastorun eksomare dagi, tharattun pujor gorilo, “Kristo hudu jormeibogi?” 5 Thara Herodore uttor dilak, “Judea dejor Bethlehem adamortei edogkie gori munibuoi legkie:6 ‘Tui Judea dejor Bethlehem, Judea dejor sohoro moiddie tui hono din begottun sigon noi. Haron tor Bidiriettun ek jon sason-gorie bhar obo, the mor Israel manuschun rakkoli obo.’ ”
7 Sei jeredi Herode mure-mure pundigkunore daginei, hon somoi tarabuo dega die tharattun pujor gori lo-lo. 8 Ar tharare the sei hodagan hoinei Bethlehemot tharare dipadelo, “Jaw ar gome-dalei sigon gurobuore togeiogoi. Ar jokke tumi tare suph po, more hobor duo, muio tare salam gori paronggoi para.” 9 Suno, raja hodagan sunonar porendi pundigkune gelak. Ar thara pugendi degkuonde tarabuo sigon gurobuo agede uju lungegoi song tharattun akke-akke ja dhorilo. 10 Tarabuo deginei pundigkune baari hujhi olak. 11 Jokke thara ghoro bidirie somilakkoi, sigon gurobuo ar tar ma Meri somot deginei, thara adu pari tare salam gorilak.
Sebeden tharar dhon-baksu hulinei sigon gurobuore dan dilakke sona, poiriek ar mura. 12 Sebeden thara Herodor sidu phiri no jebartei Itchiore tharare sobone-sobone uij dilo. Senottei thara oinnio podedi thara nijor dejot phiri gelak.
Egypt Dejot Dhei jeie Hoda
13 Pundigkun janar porendi probur ekkuo sorgo-dud sobone-sobone Josebor sidu dega dinedi tare holo, “Herode gurobuore morei pebartei togar. Senottei, tui uth, gurobuore ar tar mare loinei Egypt dejot dhei ja. Ar mui tore jedog dinsong no hong, sedog dinsong sidu thagkoi.” 14 Sebeden Josebe udi, the gurobuore ar tar mare loinei reide-reide Egypt dejot gelo. 15 Herode no more song the sidu thelo. Ien ghodi gelode jene Probuie munibuor darai hoiede sien puron oi, “Egypt dejottun mor Puobuore mui dagi anilung.”
Guro Morei Pheleie Hoda
16 Jokke Herode pugor pundigkune tare phagi mari jeion bili buji pari, the baari rak olo. The pundigkunottun tarabuor somoibuo pujor gori loiede doge, Bethlehemot ar tar seropala jaganit di bojor ar di bojorattun tole beg morod puogun morei pheleibartei the ugum dilo. 17 Siendoi muni Jeremia legkiede hodagan puron olo. 18 The legkiede,
“Rama adamot bug pora oinei gujuri-gujuri hande ro suno jeie. Rakilir puogun morsion hinottei haner, tare huno jone bujei no parton.”
Egypt Dejottun Phiri Ejana
Luk 2:39 -40
19 Hintu Herod rajar moranar porendi, Egypt dejot Probur ekkuo sorgo-dud Josebor sidu sobone-sobone dega dinedi tare holo, 20 “Tui uth, gurobuore ar tar mare loinei Israel dejot phiri ja.Gurobuore morei pheleibar seionde sigun morchion.” 21 Sebeden the udinei, gurobuore ar tar mare loinei Israel dejot phiri elo. 22 Hintu Judea dejot Arkelauze tar bab Herodor azai raja uttie bili Josebe suninei, the sidu jebar dorelo. Itchiore tare sobone-sobone uij denar porendi, the Galili dejot gelo. 23 The ekkan adamot jei, siot bojotti gorilogoi. Sei adamor nangan olode Nazareth. Siendoi munigune hoionde hodagan puron olo, “Manjie tare ‘Nazareth hullie’ hobak.”